Ва ўзросце 89 гадоў на выспе Вялікі Кайман, што ў Карыбскім моры, 14 лютага памёр вядомы брытанскі аўтар дэтэктываў Дзік Фрэнсіс.
Фота telegraph
Паводле словаў прадстаўніка Фрэнсіса, пісьменнік не пакутаваў ад якой‑небудзь пэўнай хваробы — у апошнія гады ён проста слабеў, піша Telegraph.
Дзік Фрэнсіс (сапр. Рычард Стэнлі «Дзік» Фрэнсіс) нарадзіўся 31 кастрычніка 1920 г. у Лоўрэні (Паўднёвы Уэльс). Пачаў сваю кар’еру як жакей, падчас Другой сусветнай — ваенны лётчык.
Па вайне Фрэнсіс вярнуўся ў конны спорт, неаднаразова выйграваў чэмпіянат краіны. Будучы жакеем, ён выйграў больш за 350 скачак.
Потым працаваў спартовым журналістам у «Сандзі Экспрэс»,
а дэбютаваў як пісьменнік у 1957 г. раманам «Спорт каралеваў».
Напісаў 42 раманы, так ці інакш звязаных з тэмай коннага спорту. У прыватнасці, гэта найбольш вядомы на постсавецкай прасторы «Фаварыт», «Апошні бар’ер», «Гульня па правілах», «Папярэдні заезд» ды інш.
0
0
0
0
0
0
