 |
1. НОМ —нам!
Да нас едуць здымальшчыкі караткаметражнага сцёбу «Беларуская быль, галоўныя балаганшчыкі Расіі творчая суполка НОМ («Нефармальнае аб'яднанне моладзі»). Стыль іх можна ўмоўна назваць «іранічны рок», а творчы метад самі ўдзельнікі акрэсліваюць як «драматызацыя ідыятычныях праяваў рэчаіснасці і ідыятызацыята драматычных».
«Наша прадстаўленні можна назваць рок-спектаклем, — кажа адзін з удзельнікаў суполкі Сяргей Кагадзееў. — Будуць песні, падчас шоу цалкам прагучыць альбом «Во имя разума», і мы таксама пакажам свае відэаінсталяцыі».
П'еса «Во имя разума», якая з'явілася ў 1996 годзе, у самы розрух усеагульнага запхаплення эзатэрыкай і «таямніцамі трэцяй таблеткі», абгульвала эстэтыку савецкай касмічна-піянерскай фантастыкі.
Акрамя паказу рок-спектаклю, удзельнікі творчай суполкі таксама абяцаюць старыя хіты: «7%», «Город», «Насекомые» ды інш.
 |
2. Беларускі след
Арганізаваныя ў далёкім 1987-м, распадаючыся і ўз'ядноўваючыся, НОМ выпусцілі колькі альбомаў, кліпаў і нават караткаметражных фільмаў. Беларуская тэматыка пратачылася ў творчасць суполкі ў 2006 годзе. Тады номаўцы знялі паўгадзінную нізкабюджэтную стужку «Беларуская быль». Галоўны герой — просты беларускі хлопец Віц'а (менавіта так расійцы вымаўлялі гэтае імя) — заваліў 25 фрыцаў і ўсяго толькі 40 км. не дайшоў да Бэрліну. Віц'а вяртаецца дадому, дзе яго чакаюць жонка і сын. Пасля ён ўладкоўваецца інспэктарам ДАІ і пачынае будаваць мірнае жыцьцё. А пракарміць яго зможа адно ваенны трафэй — абмежавальны знак «40 km», з якім Віц'а стаіць на ўзбочыне. Тады стужка, у якой дасціпна эксплуатаваліся расійскія стэрэатыпы пра беларусаў, у самой Беларусі была прынятае з ухвалай.
«Фільм «Беларуская быль» мы здымалі паводле ўражанняў ад паездкі ў Беларусь, — дадае Сяргей Кагадзееў. — Вядома, мы не бачылі, каб беларусы елі буслоў — гэта перабольшванне, але ўсё ж мы атрымалі тут процьму ўражанняў, якія ўвасобіліся ў стужцы. Спадзяемся, будзе пра што напісаць і пасля гэтага візіту ў вашу краіну».
Такім парадкам, творчая суполка НОМ. Клуб «Рэактар» Квіткі: 40 000, 45 000 (месца за столікам), 50 000 VIP столікі на 2-м паверсе. Пачатак а 19.
