Прычым казакі да Вербніцы?

Сёньня я выйшаў у царкву, якая ў маім мікрараёне Малінаўцы, побач з перакрыжаваньнем вуліцаў Ясеніна і Касманаўтаў, каб пасьвянціць вярбу з нагоды Вербнай Нядзелі. І вось што мяне асабіста абурыла.

Каля царквы быў вялікі натоўп наведнікаў, якія таксама прыйшлі купіць вербных галінак і таксама іх пасьвянціць. Аднак, акрамя звычайных наведнікаў, было шмат нейкіх незразумелых дзядзькоў у незразумелай чорнай форме і без бэджаў. Частка зь іх магла быць байцамі АМАПу ці яшчэ якой спецбрыгады МУС РБ, але частка зь іх была апранута ў форму, падобную да чорнай амапаўскай, аднак з лампасамі і ў фуражках зь зяленымі аколышамі, з чаго можна было зрабіць выснову да прыналежнасьці іх да «ражаных»-казачкоў. Таксама,

на дворыку царквы знаходзілася з тузін пубертатных падлеткаў, якім «не палаген па сроку службы» нават зяпу разяваць на старэйшых, у таксама чорнай, а-ля форме, якія, гыркаючы на наведнікаў «Атайдзі туда», «Раўняемся», «Атадвінцесь»,

1) Ці не трымаюць вернікаў за быдла, якое самое ня ў стане стаць роўна, калі ідзе сьвятар і сьвенціць вярбу?

2) Ці царкоўны дворык — месца для ігрышчаў у «ражаных» і ці не блытаюць яны царкоўны двор з вайскова-спартоўным лагерам для дапрызаўнікоў ці тусоўкай ралевікоў, дзе большасьці дадзеных асобаў самае месца, беручы пад увагу іхні век?

3) Ці адпаведяе ўдзел дадзеных «ражаных» у ахове парадку дзейнаму заканадаўству Рэспублікі Беларусь?

4) Які статус у дадзеных казачкоў і якое яны дачыненьне маюць да Беларусі, Беларускай Праваслаўнай Царквы і ці не зьяўляецца гэта элемэнтам палітычнай гульні, у той час калі царква павінна быць па-за палітыкай?

5) Ці ня думаюць у БПЦ, што запрашэньне на ўдзел такіх вось ражаных можа сеяць варажнечу і непрыхільнасьць сярод вернікаў? А што калі іншыя праваслаўныя захочуць апрануцца шляхтай, якая абараняла краіну ад тых казачкоў у XVII ст.?

6) Ці не зьяўляецца зьмешваньне мілітарнасьці і царкоўнасьці насьледаваньнем традыцыі тэўтнонскіх псоў-рыцараў, якія вынішчалі праваслаўных славянаў?

7) Ці нармальна для мірнай і стабільнай Беларусі прыцягненьне незразумелых парамілітарных ралевікоў для ўдзелу такіх сьвяточных урачыстасцях?

8) Чаму з аднаго боку беларуса чакае паляк-ксёндз, а з іншага поп-расеец, чаму няма беларускіх сьвятароў для беларусаў? Ці мы не зрабілі высноваў з гісторыі?

З павагай,

• 0
• 0
• 0
• 0
• 0
• 0
• 0
• 0