Дамоўленасці, дасягнутыя падчас візіту прэм’ер-міністра Расіі Уладзіміра Пуціна ў Венесуэлу, «цяжка пераацаніць». Пра гэта паведаміла крыніца ў расійскай дэлегацыі, які суправаджаў Пуціна ў паездцы. «Галоўнае — не лічбавы падлік падпісаных дакументаў, галоўнае — іх прыкладное значэнне як для расейска-венесуэльскіх адносін, так і для расейскай эканомікі», — сказаў ён.
«(Расейскі) кансорцыум атрымаў доступ да святая святых — найбуйнейшага радовішча нафты ў свеце („Хунін-6“). Гэты праект разлічаны на многія гады наперад, на дзесяцігоддзі, і ён цягне за сабой шэраг сумежных праектаў — будаўніцтва завода па ачыстцы нафты. Нафтавы кокс, які застаецца пасля ачысткі, будзе выкарыстаны для новых генеруючых магутнасцей, якія таксама будуць пабудаваны ў Венесуэле», — падкрэсліла крыніца.
З яго словаў, расейскі бок таксама ўзгадніў для Венесуэлы крэдытную лінію на $2,2 млрд. «Як толькі Венесуэла будзе гатова ёю скарыстацца, яна таксама зможа накіраваць гэтыя сродкі на закупку расійскага зброі, што, у сваю чаргу, дасць эфект прадпрыемствам расійскай абароннай прамысловасці», — дадала крыніца.
«Інвестуючы ў венесуэльскія праекты, мы інвестуем і ў будучыню нашых двухбаковых адносін і, што важна, мы адначасова з гэтым інвестуем ў падтрымку расейскай эканомікі», — адзначыў прадстаўнік расейскай дэлегацыі.
СГ; расейскія СМІ
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
