«Мэлёдыя з сутарэньняў»
Францыя–Італія, 1963, рэж. Анры Вэрнэй.
Крымінальная драма
"Лад". 22.15
Злодзей Шарль пасьля выхаду з турмы атрымлівае верную наводку на казіно ў Канах. Але годы бяруць сваё і стары майстар, які зьбіраецца пасьля чарговае «апэрацыі» выйсьці на пэнсію, бярэ ў памагатыя шалапута Франсіса. Плян абрабаваньня ідэальны і прадуманы да дробязяў.
Сакавіты дуэт зорак – старога Жана Габэна і маладога Алена Дэлона. Карціна паслужыла падставай анімацыйнай пародыі на тыповае «францускае рабаваньне».
Для тых, каму старое францускае кіно абсалютна нецікавае - БТ прапануе старт футбольнай Лігі чэмпіёнаў.
А 21:40 - "Баварыя" (Мюнхэн) - "Спартак" (Масква). А 00:10 - агляд васьмі матчаў туру. А 01:10 у запісу "Чэлсі" (Лёндан) - "Вэрдэр" (Брэмэн).
