Вайна прыватныхінтэрнэт-правайдэраў з «Белтэлекамам», якія добра патрапалі нервы манапалісту ў мінулым годзе і прывялі да істотнага зніжэння коштаў на доступ у інтэрнэт для шараговых беларусаў, прадказальна скончылася поўнай і канчатковай перамогай апошняга.
У канцы красавіка патэнцыйнае акцыянернае таварыства адабрала адзіную крыніцу прыбытку прыватных правайдэраў — абслугоўванне юрыдычных асоб. Цяпер мегабітны анлім ад byfly (гандлёвая марка «Белтэлекама») па кошце 33 $ могуць набываць не толькі звычайныя грамадзяне, але і фірмы. Цана для юрасобаў знізілася ў 10 разоў! Аналагічны канал з так званай гарантаванай паласой прапускання для
З абслугоўваннем фізічных асобаў пытанне было вырашанае яшчэ раней. Безлімітныя прапановы byfly, стартавыя пакеты па цане ад 6 $ і непадзельны кантроль рэгіянальных рынкаў канчаткова пахавалі магчымасці канкурэнтаў манеўраваць. Сітуацыя па 100% захопе рынку стрымліваецца толькі агіднай падтрымкай і непаваротлівасцю манапаліста ў абслугоўванні шараговых карыстальнікаў. «Інтэрнэт па талонах» больш не здаецца такім ужо перабольшаннем — кліенты месяцамі стаяць у чарзе на падключэнне да byfly.
Дзеянні «Белтэлекама», ухваленыя Мінсувязі, больш нагадваюць тактыку выпаленай зямлі і прывялі да знішчэння канкурэнцыі. На першы погляд такая дзяржаўная палітыка пазбаўленая сэнсу. Але на фоне будучай лібералізацыі рынку сувязі і з’яўлення альтэрнатыўных міжнародных аператараў напрошваецца простая як граблі выснова: прыватных правайдэраў ставяць на мяжу выжывання перад перадзелам рынку. Схема, гадамі абкатаная у суседняй Расіі і названая «рэйдэрскім захопам», перадугледжвае прыход «сур’ёзнага гульца», які зможа зацікавіць патрэбных чыноўнікаў ад сувязі і без лішняга шуму за капейкі загрэбці сабе частку перспектыўнага рынку. У канчатковым вырашэнні пытання зацікаўленыя кітайскія і расійскія карпарацыі, якія падтрымліваюцца так званымі «генераламі» галіны.
