Суд ААН у Гаазе прызнаў, што дэклярацыя аб незалежнасьці Косава ад Сэрбіі, якая была прынятая ў 2008 годзе, не парушае міжнародных прававых нормаў.
Сэрбія, якая лічыць Косава месцам нараджэньня сэрбскай нацыянальнай ідэнтычнасьці, згубіла кантроль над Косавам у 1999 годзе, калі ў выніку бамбаваньняў НАТО скончылася вайна паміж сэрбамі і косаўскімі этнічнымі альбанцамі.
Сёньняшняе рашэньне суду маюць кансультацыйны характар, аднак назіральнікі лічаць, што яно можа мець сур’ёзныя наступствы ў рэгіёнах з моцнымі сэпаратысцкімі рухамі.
0
0
0
0
0
0
