«У гасцях у кандыдата»: Яраслаў Раманчук

Яраслаў Раманчук: «Ложак будзем правяраць?»

Чым можа павярнуцца візіт дзвюх прывабных дзяўчат у кватэру не менш прывабнага халасцяка? Не спяшаецеся рабіць паспешлівыя высновы.
Таму што дзяўчаты гэтыя — фатограф «Нашай Нівы» Юлія Дарашкевіч і карэспандэнтка «Салідарнасці» Настасся Зелянкова. Прывабны ж халасцяк — не хто іншы, як прэтэндэнт на прэзідэнцкі пост Яраслаў Раманчук. Ён і стаў першай ахвярай нашага супольнага праекта «У гасцях у кандыдата».

«У гасцях у кандыдата»: Яраслаў Раманчук
«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук«У гасцях у кандыдата»: Яраслаў Раманчук

Зайздросны жаніх

— Будзьце асцярожныя! — у адзін голас наказалі нам рэдактары, даведаўшыся пра блізкі візіт.

Успрыняўшы сказанае як рэкламу, мы паспяшаліся да Раманчука.

— Рады вас бачыць, — з парога прывітаў нас гаспадар. — Праходзьце на кухню, будзем піць каву з цукеркамі. Спіртнога не прапаную, бо сам не п’ю.

Ніхто адмаўляцца і не думаў. Тым больш што да цукерак прыкладаўся яшчэ і вафельны торцік. А каву гаспадар не паленаваўся зварыць уласнаручна.

— Можа, яшчэ і посуд самі мыеце? — з’едліва пацікавіліся мы, назіраючы за ўпэўненымі рухамі Раманчука.

— Вядома. Насамрэч гэта стэрэатып. Што тут цяжкага? Я і бульбу люблю абіраць. Потым змалоў на машынцы — вось табе і дранікі за пяць хвілін!

Мы з зайздрасцю паглядзелі на падваконне — ў бок партрэта сімпатычнай дзяўчыны (да апошняга мы шчыра верылі, што размовы пра нявесту — гэта толькі піяр).

— Значыць, гатаваць вы любіце?

— Ну так. Хоць, бывае, часам і пельмені смажу, але гэта як даніна студэнцкім часам.

Звыклыя не давяраць словам палітыкаў, мы папрасілі дазволу праінспектаваць лядоўню кандыдата. Усё як у людзей: гародніна, садавіна, каўбасы, у маразілцы мяса, а не паўфабрыкаты, на паліцах — рондлі. Нават не верыцца, што гэта лядоўня халасцяка.

— А што ў рондлі? — працягнулі мы журналісцкае расследаванне.

— Халаднік.

Вось і папаўся! Ну хто паверыць, што мужчына будзе сам сабе халаднік гатаваць?

— Не, не я варыў, — шчыра прызнаўся Яраслаў.

Аднак іншых слядоў прысутнасці ў доме жанчыны мы не знайшлі (за выключэннем флакона туалетнай вады на паліцы ў ваннай). Мы, вядома, асабліва і не разлічвалі ўбачыць раскіданыя па ўсёй кватэры прадметы жаночага гардэроба, але тут усё было відавочна: ні табе фіраначак на вокнах, ні вазачак з кветачкамі, ні мілых сувеніраў на паліцах. Усё проста, па-мужчынску, але з густам.

Пакуль варылася кава, мы вырашылі ўважлівей агледзець кватэру. Высветлілася, што гэтую «двушку» ў раёне Камароўкі Раманчук набыў яшчэ ў 1998 годзе.

— Я спецыяльна заняўся бізнэсам, каб купіць кватэру. Праўда, купіў толькі калі бізнэс кінуў, — смяецца Яраслаў. — Пачакаў, пакуль цэны апусцяцца да мінімуму (нездарма ж эканаміст). Цяпер вось жыву ў цэнтры горада, і праца побач.

Проста як у показцы: багатыя купляюць сабе не машыну, каб ездзіць на працу, а кватэру побач з працай, каб хадзіць пешшу. Дарэчы, у Раманчука машыны таксама няма.

«Гняздо распусты»

Агляд вырашылі пачаць са спальні. Пасля «эратычнага інтэрв’ю» «Народнай волі» гэты пакой уяўляўся нам як мінімум гняздом распусты. Нашы чаканні спраўдзіліся толькі напалову.

З выгляду ўсё было цалкам прыстойна: убудаваная шафа, вялікі ложак, гара кніжак на падлозе, туалетны столік (набыты, мяркуючы па ўсім, проста ў камплекце з ложкам).

У вочы нам адразу ж кінуўся прафесійны фотаапарат з вялізнымі аб’ектывамі, што ляжаў на люстэрку. Вось толькі кожная ў гэты момант падумала пра сваё: Юля тут жа прызнала ў Раманчуку калегу па фотасправе, мяне ж мучыла пытанне: чаму ўсё гэта знаходзіцца ў спальні?

Пакуль фатограф-прафесіянал і фатограф-аматар размаўлялі на свае вузкаспецыяльныя тэмы, я выпрабавала ложак. Ён аказаўся жорсткім і чамусьці зусім не рыпеў, хоць, па прызнанні кандыдата, стаіць тут з 1998 года.

— Няўжо рэдка карыстаецеся? — усё-такі не стрымала я цікаўнасці.

— Крыўдзіш, — тут жа азваўся Яраслаў. — Паглядзіце, на чым ён у мяне стаіць.

Ён падняў покрыва, і мы ўбачылі пад ложкам… кнігі, складзеныя стосам у якасці падпорак. Мяркуючы па ўсім, свой рэсурс гэты ложак ужо вычарпаў.

— Будзем правяраць? — падміргнуў Раманчук.

— Як-небудзь іншым разам, — паспрабавалі аджартавацца мы.

— Лаўлю на слове!

— А дзе вы захоўвайце свае гальштукі? — для бяспекі вырашылі мы змяніць тэму і заадно ненавязліва зазірнуць у шафу кандыдата.

Раманчук без ценю сумневу расчыніў дзверкі і пачаў дэманстраваць сваю калекцыю. Гальштукаў ў яго і праўда аказалася шмат. Нават іменны.

— Праўда, завязваць сам не ўмею. Прашу сяброў, — прызнаўся Раманчук.

А вось кнігі на падлозе каля ложка прызначаліся для ўдзельнікаў школы, якую вядзе Раманчук на базе Цэнтра Мізэса.

— Часам збіраемся ў мяне дома, — расказаў кандыдат і прадбачліва ўдакладніў: — У суседнім пакоі. Бывае, выязджаем куды-небудзь. Нядаўна на Нарач ездзілі. Пойдзем пакажу фатаграфіі.

Так мы плаўна перамясціліся ў гасцёўню.

Эканамічная Камасутра

Мяркуючы па фотаздымках, да навучання Раманчук ставіцца нестандартна. Людзі ў купальніках мала нагадвалі удзельнікаў эканамічнага семінару. Ды і праграма заняткаў выглядала вельмі нават прывабна (я тут жа пашкадавала, што рэдактар надоечы адмовіўся мяне туды адпускаць).

— Дарэчы, некалькі параў пасля нашых заняткаў ажаніліся, — пахваліўся сваёй роляй Купідона кандыдат.

Ад кампутарных здымкаў перайшлі да фотаальбомаў. Вось Раманчук з Маргарэт Тэтчэр, вось з Сямёнам Шарэцкім, вось перакладае Кебічу, шмат фота з рознымі еўрапейскімі міністрамі. Але асноўная частка альбома — дзяўчаты, дзяўчаты, дзяўчаты. На каленях, у абдымку, на фоне сэкс-шопа

— Калі я ішоў на парламенцкія выбары дэпутатам па Гродзенскай акрузе ў 2008 годзе, спецслужбы закінулі ў народ дзве качкі: што я хачу прадаць Гродна Польшчы і што я гей, — смяецца Раманчук.
 — Прычым нават не ведаю, што для гарадзенцаў было горш.

Мы тут жа ўявілі, як Раманчук даказваў гарадзенкам адваротнае, і засмяяліся.

Сама ж гасцёўня змяшчала адначасова і бібліятэку, і працоўны кабінет. На паліцах — узнагароды Раманчука за плённую працу на эканамічнай ніве. На стэлажах — кнігі, у тым ліку і ўласнага аўтарства.

— А вось у гэтых папках я захоўваю выразкі розных цікавых артыкулаў па тэме, — паказаў Яраслаў на верхнюю паліцу стэлажа.

Аднак нашу ўвагу прыцягнулі зусім не эканамічныя працы, а ўзгрувашчаная на іх «Камасутра» і яшчэ нейкая эратычная кніжка з малюнкамі.

— «Камасутру» мне падаравалі падчас паездкі на форум у Індыю. Іншым лектарам дасталіся кніжкі па эканоміцы, а мне, як самому маладому, уручылі гэтую. Вырашылі, што патрэбнейшая. Тут, дарэчы, прапісаныя 40 правілаў, якія павінна ведаць жанчына. Вось зараз я вас і праверу.

Да нашай вялікай радасці, ад гэтага экзамена нас выратаваў тэлефонны званок. Так мы ад «Камасутры» плаўна перайшлі да ёгі.

Высветлілася, што і гэтым Раманчук займаецца з задавальненнем. Прапусціць магчымасць пафатаграфаваць кандыдата ў розных позах мы не маглі.

— А можаце, як ёг, у вузел завязацца? — падбухторвалі мы.

— Магу. Толькі для гэтага трэба болей размяцца, а то потым і не развяжашся, — засмяяўся Яраслаў.

Мы вырашылі паберагчы кандыдата для гісторыі.

Ёга аказалася не адзіным захапленнем Раманчука. З шафы тут жа дасталіся ракеткі для вялікага тэніса і пінг-понга, трэнажоры, а доказаў футбольнай актыўнасці кандыдата пасля прагляду яго фота нават і не патрабавалася.

Яшчэ крыху пахадзіўшы па кватэры, вывучыўшы ў ваннай усе скляначкі (яны, дарэчы, у Раманчука таксама асаблівыя — замежныя, нават пасту ён купляе упакоўкамі толькі ў Амерыцы), мы нарэшце вырашылі, што трэба й меру ведаць.

— Ну, дарогу да мяне цяпер ведаеце. Так што заходзьце ў любы час, — ветліва запрашаў нас кандыдат.

Мы горача паабяцалі вярнуцца.

Настасся Зелянкова, фота Юліі Дарашкевіч

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
Iгар напiсаў(ла) 17 жнiўня 2010 у 9:13
Ничего мужик. И в холодильнике всё белорусское :) Только вот sex shop и sex egzotyczny это, вероятно, дешёвая приманка для молодёжи? За польскую книгу сейчас тебе, дружище, тут выдадут сполнааааа! Глядзi, Яраслаў, партнёр у цябе сур'ёзны. Hardcore цябе забяспечаны.
Iгар напiсаў(ла) 17 жнiўня 2010 у 9:30
Дарэчы, на якой мове размаўлялi дзяўчаты — фатограф «Нашай Нівы» Юлія Дарашкевіч і карэспандэнтка «Салідарнасці» Анастасія Зелянкова - з Яраславам? А ён на якой мове адказваў? Думаю, гэта вельмі важна.
Чытач напiсаў(ла) 17 жнiўня 2010 у 9:32
Для мяне халасты кандыдат у прэзідэнты, які карыстаецца камасутрай куды больш маральны, чым прэзідэнт, які мае внебрачных дзяцей...
Нeartlander напiсаў(ла) 17 жнiўня 2010 у 9:41
Кожны бярэ сваім. Гэны - танным эксгібіцыянізмам ды непрыхаванай дэмагогіяй
asar напiсаў(ла) 17 жнiўня 2010 у 9:46
Дарослы мужчына, багата бачыу, шмат што ведае. А дзице шчэ.
Iгар напiсаў(ла) 17 жнiўня 2010 у 9:49
Простите, что опять я,но- to Чытач: халасты кандыдат у прэзідэнты, які карыстаецца камасутрай куды больш маральны, чым прэзідэнт, які мае внебрачных дзяцей... ----------------------------------------------------------------- не надо ханжества! всё это не имеет отношения к делу, по-моему; внебрачный ребёнок это не клеймо, все мы люди, не ЭТО не красит Л.; равно как и молодая жена, которой попрекают претендента Н.; равно как и поздняя неженатость, которой попрекают претендента Р... кому какое дело? можно быть геем и своротить для родины горы! :) любят люди считать чужие деньги и рыться в постели... главное, КУДА идти!
vege напiсаў(ла) 17 жнiўня 2010 у 9:52
Нарэшце нармалёвы артыкул пра палітыка без аніякай палітыкі і эканомікі. Штосьці такое трэба зрабіць пра кожнага кадыдата.
Тутэйшы напiсаў(ла) 17 жнiўня 2010 у 10:03
З усіх магчымых кандыдатаў Раманчук і Саннікаў найбольш далёкія і чужыя для звычайных беларусаў
Высокi Бляндын У Жоўтым Боце напiсаў(ла) 17 жнiўня 2010 у 10:07
Грошы, калi яны будут, зробят свой pr. У кожнага павiнен быць свой асабiсты лорд, калi усё сур'ёзна. Яраслаў цягнiк спынiт як batman, цi немаўля выратуе са стаўка, цi возьме шлюб з габрэйкай, а дзiцю будзе даваць iмя Янка цi Зьмiцер.
Асьвяяк напiсаў(ла) 17 жнiўня 2010 у 10:33
Ах ей, які ж кандыдат! І на галаве пастаяць можа, і па сэкс-шопам цягаецца, і ёг, і кола інтарэсаў незвычайнае - экзатычны сэкс, дзеўкі, эканоміка. Малайчына! А дзе ж жонка ягоная, дзеці? Колькі яму год? Ён, відаць, ў тым узросце, калі ў мужчыны сэкс стаіць калі не на першым, дык на другім месцы - ад 45 да 60 - і ва ўсіх размовах мужчына з'язжае на сэкс, альбо ва ўсім бачыць сэкс, любіць дэманстраваць сваё цела (не толькі торс, як Пуцін - http://gazetaby.com/index.php?&sn_nid=29171&sn_cat=32), любіць незнарок пазаляцацца. З боку гэта заўсёды выглядае смешна. У Раманчука аб такой з'яве сведчаць неджэнтэльменскія жарты кшталту: "— Будзем правяраць? — падміргнуў Раманчук. — Як-небудзь іншым разам, — паспрабавалі аджартавацца мы. — Лаўлю на слове!", альбо "- «Камасутру» мне падаравалі падчас паездкі на форум у Індыю. Іншым лектарам дасталіся кніжкі па эканоміцы, а мне, як самому маладому, уручылі гэтую. Вырашылі, што патрэбнейшая. Тут, дарэчы, прапісаныя 40 правілаў, якія павінна ведаць жанчына. Вось зараз я вас і праверу. Да нашай вялікай радасці, ад гэтага экзамена нас выратаваў тэлефонны званок. Так мы ад «Камасутры» плаўна перайшлі да ёгі." Дактары кажуць, што ў гэтым ўзросце ў мужыка змяняецца гарманальны фон, і мужык дурнее, бо ў яго ў галаве збольшага сэкс. Таму ў такім ўзросце разыходзяцца з жонкамі, з якімі пражылі шмат год і нажылі дзяцей, альбо жэняцца на маладзенькіх, каб таксама пабыць маладымі, альбо робяць яшчэ дзяцей, альбо яшчэ неяк даюць выхад свайму лібіда. Прыкладаў незлічона. Лепей бы акцэнтаваў увагу на сваіх прафесійных дасягненнях і набытках. А можа ён хоча згуляць на традыцыйна моцным тыле А.Р.Лукашэнкі і адцягнуць у таго выбаршчыкаў-жанчын?
Крывіч напiсаў(ла) 17 жнiўня 2010 у 10:42
Да поўнага партрэта трэба чытаць тут http://www.gazeta.ru/politics/2010/08/15_a_3407849.shtml
Iгар напiсаў(ла) 17 жнiўня 2010 у 10:46
to Тутэйшы: звычайным беларусам ні адзін кандыдат не патрэбен наогул... i кто гэта вымяраў найбольш далёкія і чужыя цi не?..
Гражына напiсаў(ла) 17 жнiўня 2010 у 10:53
нарэшце хоць нешта цікавае пра кандыдатаў. Мне спадабалася, дзякуй вялікі дзяўчатам за лёгкі і цікавы матэрыял
Iгар напiсаў(ла) 17 жнiўня 2010 у 11:10
я не против секса, но всё-таки жаль, что он переборщил... это всё из-за уверенности, что это позабавит молодёжь и даст ему очки... а молодёжь белорусская она ДРУГАЯ! to Крывiч: http://www.gazeta.ru/politics/2010/08/15_a_3407849.shtml ---------------------------------------------------------------- абсолютно ничего криминального там нет... извините...
sneg напiсаў(ла) 17 жнiўня 2010 у 12:00
Вялікі дзякую за артыкул. Моцны атрымаўся.
asar напiсаў(ла) 17 жнiўня 2010 у 12:17
Тольки за то, што "эканамист" Раманчук абяцае Расеи такое.... Цытата----- предложить россиянам свободное участие в белорусской приватизации – без каких-либо льгот и безо всякой дискриминации. ------------------------------------------------------------ Думайце. Што ен заслугоувае? ХТО ЕН ???
сыр напiсаў(ла) 17 жнiўня 2010 у 12:39
кандыдат у кандыдаты)) пакуль подпісы не сабраў.
asar напiсаў(ла) 17 жнiўня 2010 у 12:40
...ДОБРА ДУМАЙЦЕ !!! И чаму ен яшчэ на свабодзе ? У нармальнай дзяржаве такия сядзели б ужо за кратами и давали б паказанни - адкуль таки узяуся...
Iгар напiсаў(ла) 17 жнiўня 2010 у 12:48
to asar: а кому как ни россиянам участвовать в приватизации? в чём проблема? человек с деньгами не имеет национальности! колхоз американец не купит, а русский сделает филиалом уже готовой структуры, даст рабочие места, заставит не пить... нет, мы будем стоять насмерть, но не отдадим ни пяди родной земли!.. вот у вас есть желание купить колхоз, есть деньги?.. нет ни того ни другого? тогда пусть купит русский, или литовец, или поляк! другое дело, что закон не должен позволять, например, из колхоза сделать что-нибудь другое, сменить профиль...
Варган напiсаў(ла) 17 жнiўня 2010 у 12:58
Тутэйшы напiсаў З усіх магчымых кандыдатаў Раманчук і Саннікаў найбольш далёкія і чужыя для звычайных беларусаў ----------- Апішыце звычайнага беларуса.
asar напiсаў(ла) 17 жнiўня 2010 у 13:48
ад Iгара-----а кому как ни россиянам участвовать в приватизации? в чём проблема? человек с деньгами не имеет национальности! колхоз американец не купит, а русский сделает филиалом уже готовой структуры, даст рабочие места, заставит не пить... нет, мы будем стоять насмерть, но не отдадим ни пяди родной земли!.. вот у вас есть желание купить колхоз, есть деньги?.. нет ни того ни другого? тогда пусть купит русский, или литовец, или поляк! другое дело, что закон не должен позволять, например, из колхоза сделать что-нибудь другое, сменить профиль... -------------------------------------------------------------------- ...Игар. Ты нават и не уяуляеш якое уродства ты выказау. Гэта паказвае, што ад беларуси у цябе тольки имя. И вырас ты не сярод гаспадароу, а у инкубатары (без крыуды) и гаворыш "ведами", бо не бачна разумення гаспадара беларуса.
Тутэйшы 2 Варган напiсаў(ла) 17 жнiўня 2010 у 13:53
Памяркоўны, абачлівы, нефанабэрысты, рэалістычны, праўдзівы
Iгар напiсаў(ла) 17 жнiўня 2010 у 14:12
to asar: калi ласка, пане ягамосьцю, з гэтага месца пападрабязней пра "разумення гаспадара беларуса"...
беларуска напiсаў(ла) 17 жнiўня 2010 у 14:16
можа быць як чалавек ён не дрэнны, толькі кандыдат, які па з Крамлём звярае праграму ці патрэбны. "У Крамлі, я ведаю, нашу канцэпцыю пра гэта ўжо бачылі - яны атрымалі яе год таму", - адзначыў Яраслаў Раманчук. http://telegraf.by/2010/08/ramanchuk-nasha-pragrama-zho-god-ljazhic--u-kraml.html цікава яму перад выбарамі Мядзедзяў дасылаў сваю праграму?
Алеся* напiсаў(ла) 17 жнiўня 2010 у 14:28
Вясёлы быў б зь яго прэзыдэнт)))
ЁЁ напiсаў(ла) 17 жнiўня 2010 у 14:54
фотарэпартаж файны, але тэкст прымітыўны. ведаючы Раманчука асабіста, тэкст павінен быў атрымацца больш эмацыйным. Да таго ж, усе тэмы зводзіліся да сэкса. Гэта фірменная фішка журналісткі "Салідарнасьці"? А сам Раманчук шыкоўны. Асабіста я буду галасаваць толькі за яго.
Высокi Бляндын У Жоўтым Боце напiсаў(ла) 17 жнiўня 2010 у 14:56
to Алеся*: а нам сумны i не патрэбен! i якога прэзiдэнта вы прагнеце? ёсць хакеiст i лыжнiк, хай будзе шахматыст альбо раварыст...
asar напiсаў(ла) 17 жнiўня 2010 у 15:53
Iгар-------------калi ласка, пане ягамосьцю, з гэтага месца пападрабязней пра "разумення гаспадара беларуса"... Не раней чым праз нядзелю и на другим поли...
Высокi Бляндын У Жоўтым Чаравiку напiсаў(ла) 17 жнiўня 2010 у 16:13
Юлія, Анастасія, давайте в следующий раз сходим в гости к прывабнаму отцу-одиночке в Дрозды!
Высокі бландын у жоўтым валёнку напiсаў(ла) 17 жнiўня 2010 у 16:50
Наступны раз, дзевачкі, прыходзьце ў госці да мяне! Я таксама ёгай займаюся і нежанаты.
ЯНКА напiсаў(ла) 17 жнiўня 2010 у 16:52
" Юлія, Анастасія, давайте в следующий раз сходим в гости к прывабнаму отцу-одиночке в Дрозды! " + 1000. ......................... 2 Юлія Дарашкевіч : Перад тым, як "горача абяцаць вярнуцца" вывучаць "Каму-с-утра" з азабочанымі халасьцякамі, спытайце-ка дазволу ў вашага мужа!
Мыколька напiсаў(ла) 17 жнiўня 2010 у 16:55
АЙ...нецикава дауно пра гэта...Луччэ б паказали у гасцях у казки....
pasha напiсаў(ла) 17 жнiўня 2010 у 16:56
цікава, а з АГЛ слабо такое інтэрв'ю правесці?
Iгар напiсаў(ла) 17 жнiўня 2010 у 17:19
Пытанне "А што ў рондлі?" трэба задаць i ў Драздах! Патрабуем працягу журналісцкага расследавання. Дзе роўнасць i справядлівасць? Дамо здымак халадзільніка Бацькi! Чаму не Атлант? Чаму Libherr? Чаму не купляем беларускае, самае мае? Чаму тэлевізар Sony? Чаму не Гарызонт цi Вiцязь? Бульба у дранiках родная? I нарэшце галоўнае пытанне: хто зрабiў вам мачанку?
Мыкольцы напiсаў(ла) 17 жнiўня 2010 у 18:20
То показалі ж вже. Треццю чястку.
brudny напiсаў(ла) 17 жнiўня 2010 у 19:39
Нехта писау, што ен чужы простым беларусам. Так, але чужы таму, што ягоны узровень непараунальны з ихным разуменьнем сьвету. Гэта еурапеец...Я не кажу и ня ведаю, гэта добра ци не+прарасейскасьць и яшчэ моманты, але параунайце яго скажам з Сидорским, ци з яким иншым чыноуникам/апазыцыянэрам...Раманчук адназначна цикавей и мацней будзе выглядаць.
Тоже Игорь напiсаў(ла) 17 жнiўня 2010 у 20:35
>колхоз американец не купит, а русский сделает филиалом уже готовой структуры, даст рабочие места, заставит не пить... нет, мы будем стоять насмерть, но не отдадим ни пяди родной земли!.. вот у вас есть желание купить колхоз, есть деньги?.. Бгг. Колхозы и сельское хозяйство в РФ находятся в худшем состоянии, чем у нас. И пьянства там тоже больше. Там сельчане своих же сжигают. Вот была программа по НТВ весной вроде про какого-то фермера российского и это не единственный случай. Даже среди моих личных знакомых - есть люди, которые пытались жить в российских деревнях, и пытались работать по беларуски - теплички, огородик, домик. Сожгли. Вернулись назад. Если уже на то пошло... (я тоже экономист, кстати), то лучше разрабатывать стратегию для поддержки своих же. Низкие процентные ставки на кредиты в зависимости от бизнес-плана.Освобождение от налогов на определенный период подъема. Каждый бизнес-план рассматривать специальной комиссии. И т.д. Собственно, сегодняшняя власть и пытается нечто подобное делать. Проблемы частного бизнеса у нас в стране лежат несколько в иной области. Слишком высокие риски инвестиций по нескольким причинам, коррупция, нестабильность политического и экономического курса. Частная собственность, как таковая, также носит фиктивный характер. А то я бы, например, тоже кое-что выкупил. (по мелочи) Если бы не считал риски слишком высокими. А по нашим колхозам, фермерских хозяйствам и т.д., я вам, советую проехаться. Есть успешные хозяйства, а в деревнях алкоголиков далеко не так уж много. Может в забитых районах Минска их даже больше.
Крывіч напiсаў(ла) 17 жнiўня 2010 у 20:39
Iгар напiсаў(ла) to Крывiч: http://www.gazeta.ru/politics/2010/08/15_a_3407849.shtml ---------------------------------------------------------------- абсолютно ничего криминального там нет... извините... А чаму там павінна быць нешта крымінальнае, не варта выбачацца! Пасьля кароткага асабістага знаёмства з гэтым, засталося ўраджаньня, што ён вялікі пыхлівец! Як і яго бос!
Стась напiсаў(ла) 17 жнiўня 2010 у 22:48
Шикарная фототография - кандидат на голове! Ее можно на листовку предвыборную ставить!
2 Стась напiсаў(ла) 17 жнiўня 2010 у 23:13
Для циркача слабовато будет, а для президента... Это основной критерий отбора?
Крывіч напiсаў(ла) 18 жнiўня 2010 у 5:43
Лепш не каментаваць персанальныя якасьці гэтага ...., бо пачнецца лямант і абразы, і назавуць гамафобам.
Iгар напiсаў(ла) 18 жнiўня 2010 у 6:24
to Крывіч: да и мне он уже не нравится!.. даже без короткого личного знакомства... с сексом и шутками про кровати просто несолидно... "идиот самый настояшчый!" поехали дальше!.. а правда, что коле маршала дали?
darashkevich to ЯНКА: напiсаў(ла) 18 жнiўня 2010 у 8:41
2 Юлія Дарашкевіч: "Перад тым, як "горача абяцаць вярнуцца" вывучаць "Каму-с-утра" з азабочанымі халасьцякамі, спытайце-ка дазволу ў вашага мужа!" А Вы толькі пра майго мужа клапоціцеся? Вось у Насці Зелянковай таксама муж ёсць.
Аляксандар Краўцэвіч напiсаў(ла) 19 жнiўня 2010 у 8:29
Нажаль, Раманчук - расейскамоўны паляк і палітыку моўную вядзе адпаведную. Да мяне ўлётку на парламенцкія выбары прыслаў па-расейску - таму не пайшоў за яго галасаваць. Візітоўка яго (на блогу "Салідарнасці" паказаная) адзіная з кандыдатаў без беларускай мовы. Не надаецца на прэзідэнта Беларусі.
Крывіч напiсаў(ла) 19 жнiўня 2010 у 9:48
Практычна ўсё АГП расейскамоўнае і беларусафобнае, не лічачы тых адзінак каго там лічаць белымі варонамі. І гэтае не выключэньне!
Пятро Касьнерык напiсаў(ла) 19 жнiўня 2010 у 11:36
Iгар напiсаў(ла) Жнiвень 17, 2010 у 12:48 другое дело, что закон не должен позволять, например, из колхоза сделать что-нибудь другое, сменить ПРОФІЛЬ... Ігар, калі ласка,смені ПРОФІЛЬ мы САЦЫЯЛІЗМ-камунізм НЕ БУДУЕМ!!! «I усе ж, як бы там ні было, а перабудоваць вытворчасць прасцей, чым перабудоваць свядомасць. Большасць жа нас са школьнай парты засвоілі, што вышэйшым нашым дасягненнем у сельскай гаспадарцы з'яуляюцца калгасы. Усе іншыя тыпы гаспадарак менш эфектыуныя і нават антысацыялістычныя. А між тым яшчэ у 20-я гады многія спецыялісты сумняваліся у правільнасці такой пастаноўкі. Прыярытэт калгаснай догмы стаў афіцыйнай догмай. Вядома, сення не ўсім проста ЗАДУШЫЦЬ у сабе гэту догму. Куды лягчэй пераканаць сябе у тым, што раздача зямлш − гэта рэстаўрацыя дробнабуржуазнага ўкладу ў весцы. Але ці есць аснова так лічыць? Думаю, няма. Бо ІДЫВІДУАЛЬНЫЯ сельскія гаспадаркі базіруюцца ТОЛЬКІ на асабістай працы». (А. Лукашенко, часопіс “Беларусь”, сакавік 1991 г. «Вялякі перадзел?»)
Iгар напiсаў(ла) 19 жнiўня 2010 у 12:24
лучше б я не писал слово колхоз... я имел в виду производственную единицу, предприятие... хай будзе цагельня, гута, гарбарня, друкарня... вы всё буквально поняли... колхозам и кибуцам НЕТ!
пенсiянэр напiсаў(ла) 19 жнiўня 2010 у 19:46
Гальштукаў ў яго і праўда аказалася шмат. Нават іменны. — Праўда, завязваць сам не ўмею. Прашу сяброў, — прызнаўся Раманчук. ____________________________________________________________________ На змену аднаму калгасьнiку (з дзьвума верхнiмi) iдзе другi, але ужо з ангельскай мовай. Прагрэс!
ЯНКА напiсаў(ла) 19 жнiўня 2010 у 20:26
2 Юля Дарашкевіч : Так, я "клапаціўся пра вашага мужа", і гэта лягічна! Спадзяюся, ён, як пачытаў мой камэнт, склаў рукі й ледзь не заплакаў ад нахлынуўшых пачуцьцяў! :) :)) Між тым, нягледзячы на салідарнасьць, усёткі больш дбаў пра Вас, бо знаёмы з Вамі як з выдатнай фотамасьцярыцай, хоць і завочна... А вось пра Насьцю Зелянкову пачуў тутака ўпершыню. Ды й нельга ратаваць усіх адначасова! Нават мітычным спасіталям-Бажкам такое не пад сілу, што й казаць пра ратавальнікаў на водах. Тым ё нават устаноўка: найперш клапаціцца (па цілявізару казалі!), хто ў купальніках ад "Мілавіцы". Але галоўная хітрынка, каб тым, хто ў панталёнах, не даваць па патыліцы вяслом... Ды пра што гэта мы? Ага, пра Раман-чука... Дык вось справа тут ня толькі ў кніжцы "Каму-с-утра". І не ў вібратарах, якія ён мусіў дарыць сваей нявесьце. Спадзяюся, нават калі Раман-чук абвешаецца сотняй іх, як елка навагоднімі цацулькамі, Вы ўсё адно здолееце адбіцца! Ці, хутчэй, схавацца й стаіцца. Ці на худы, гэты, як яго... канец, уцекчы... Але большую небясьпеку, на мае глузды, уяўляе зусім другая роспаласьць! Удумацца толькі: рюсскоязычьный пОлек!!! І яшчэ прэцца ў прэзыдэнты... Вось у гэтым – ісьцінная парнаграфія!
макс напiсаў(ла) 20 жнiўня 2010 у 1:45
Польский сайт, пишет про польского кандидата от не менее ополяченной оппозиции... И всё это пытаются выставить как БелоРУССКОЕ... Похоже белорусы уж через чур толлерантны... Ехали бы вы к себе в Польшу и избирали бы там себе президентов, а то уж совсем обнаглели!
ЯНКА напiсаў(ла) 20 жнiўня 2010 у 20:06
Далучайцеся да гутаркі наконт сяняшняй Ржэчпаспаліты й яе паводзінаў на Гарадзеншчыне: http://secret-r.net/guest.php?ger=guestbook
Кнехт напiсаў(ла) 21 жнiўня 2010 у 20:57
НЕ ХАДЗІЦЕ, ДЗЕЎКІ, Ў ГОСЦІ ДА ІВАНА КУЗІНА Прыперліся дзьве дзеўкі да плэйбоя - хацелась ім пра ўсё параспытаць. Але плэйбой адразу, "на другое", свой ложак запрасіў "выпрабаваць". "Не хадзіце, дзеўкі, Ў госці да Івана Кузіна. У Івана Кузіна - "бальшая" кукурузіна". ;)
Iгар напiсаў(ла) 21 жнiўня 2010 у 21:41
to Кнехт: пра кукурузiну зплагiацiл трохi з фальклору... рыфма "раманчук- мегаструк" не ўражвае, калега? :)))
цётка напiсаў(ла) 24 жнiўня 2010 у 8:39
Можа! І гэта важна. Не дурны, не благі, не чужы і ...СВАБОДНЫ!!!! Без закамплексаванасьці і глупоты. Абы пайшло!
mikola ramanau напiсаў(ла) 29 жнiўня 2010 у 12:24
2.max. a kudy tady cuganam ehat,u Rumyniiu,ti Francyiu?
Таццяна напiсаў(ла) 5 верасня 2010 у 13:13
Калі паглядзець на побыт кандыдатаў - дык ні за каго не зможаш прагаласавць. Ці можна у рэпартажы з кватэр крыху ўстаўляць іх перадвыбарныя праграмы кандыдатаў (выбарачныя цытаты) ????? Пакуль Яраслаў пацягнуў на хатняга вычварэнца - буржуа сярэдняй нагі без аўто, які намалаціўшы грошай, перачытаўшы (перапісаўшы) кніг і перагледзеўшы порна, вырашыў падацца з кватэры ў палітыку.
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Дашлі сваю навіну
Загружаецца...
Усе навіны
Курсы валют
01.08 НБ РБ
USD 10320
EUR 13820
RUB 291
PDF-версія
1
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Гарачыя тэмы
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY