Падчас візіту Аляксандра Лукашэнкі ў Кітай у кастрычніку гэтага года можа адбыцца яго сустрэча са старшынёй Кітайскай Народнай Рэспублікі Ху Цзіньтаа,
паведаміў намеснік старшыні пастаяннага камітэта Усекітайскага сходу народных прадстаўнікоў Цзян Шушэн 13 верасня ў Мінску на сустрэчы са старшынёй Палаты прадстаўнікоў Уладзімірам Андрэйчанкам.
«Ваш прэзідэнт мае намер узяць удзел у Сусветнай выставе „
Паводле яго слоў, сустрэча «акрэсліць новыя перспектывы супрацоўніцтва Беларусі і Кітая».
Як паведамлялася, Лукашэнка плануе ўзяць удзел у Дні Беларусі, які пройдзе на выставе 11 кастрычніка.
Сусветная выстава ў Шанхаі праходзіць з 1 мая па 31 кастрычніка. У ёй удзельнічаюць больш за 200 краін і 57 міжнародных арганізацый.
Павільён беларускай экспазіцыі складае 1 тыс. кв. м, палова з якіх прапанавана кітайскімі арганізатарамі на бязвыплатнай аснове. Ён размешчаны ў цэнтры «плошчы Еўропы» побач з павільёнамі Босніі і Герцагавіны, Чэхіі, Славакіі і Партугаліі.
