У Брэсцкім раёне на пілараме загінула23-гадовая рабочая замежнага прадпрыемства «Вудімекспрам».
Як паведаміў следчы следчага аддзела пракуратуры Брэсцкай вобласці Алег Цыганаў, няшчасны выпадак адбыўся 1 кастрычніка прыблізна ў 15.00 на тэрыторыі піларамы прадпрыемства ў вёсцы Вялікая Курніца. Цела загінулай, якое вісела на маятнікавай піле, знайшлі рабочыя гэтага вытворчага ўчастка.
Маладую жанчыну зацягнула пад рэзальную частку пілы. Устаноўлена, што загінулая не мела допуску да працы на гэтым абсталяванні. Эксплуатацыя пілы ажыццяўлялася з парушэннямі заканадаўства аб ахове працы.
Жанчына жыла ў Брэсце. Праверку па факце яе гібелі праводзіць следчы аддзел пракуратуры Брэсцкай вобласці.
0
0
0
0
0
0
