Фота Onliner.by.
Як паведаміла ДАІ Партызанскага раёна, аварыя адбылася 4 кастрычніка. Адміністратар адной з мінскіх аўтамыек раніцай вырашыў пракатацца на BMW X6, якую пакінуў сталы кліент мыйні. Праўда, нябога апраўдваецца, што хацеў машыну заправіць.
Ён ехаў запраўляцца з хуткасцю каля 110 км/г па вуліцы Радыяльнай. Але не даў рады кіраванню і ўехаў у дрэва. Аўтамабіль у выніку аказаўся даволі моцна пашкоджаны.
А што ж адміністратар? Як аказалася, ён быў без правоў і выпіўшы. У яго крыві знайшлі 1,78 праміле алкаголю, паведамілі ў ДАІ. Гэта далёка не бутэлька піва, а вялікая доза гарэлкі.
Зараз яму пагражае штраф, з яго злупяць грошы за рамонт аўто. А за згон аўтамашыны Савецкі РУУС распачаў крымінальную справу.
0
0
0
0
0
0
