Прадстаўнік АБСЕ па пытаннях свабоды СМІ Дунья Міятавіч рэкамендуе ўладам Беларусі зняць усе адміністрацыйныя абмежаванні для дзейнасці СМІ. Пра гэта яна заявіла 27 кастрычніка напрэс-канферэнцыі ў Мінску.
У межах свайго візіту ў Беларусь 25–27 кастрычніка Міятавіч сустрэлася з міністрам інфармацыі Алегам Праляскоўскім, міністрам замежных спраў Сяргеем Мартынавым, старшынёй ЦВК Лідзіяй Ярмошынай, памочнікам прэзідэнта Усеваладам Янчэўскім.
Паводле слоў прадстаўніка АБСЕ, падчас гэтых сустрэч яна «адкрыта заяўляла» пра неабходнасць спыніць практыку вынясення папярэджанняў СМІ і іх закрыцця.
Міятавіч заклікала ўлады Беларусі зрабіць захады па падтрымцы незалежных СМІ, арганізаваць умовы для стварэння незалежнай сістэмы самарэгуляцыі масмедыя, прыняць законы аб доступе да інфармацыі і прыватызацыі дзяржаўных СМІ, а таксама адмяніць крымінальны пераслед за паклёп.
«Мяне вельмі радуе, што мы дасягнулі прынцыповай згоды аб тым, што неабходна паступова пераглядаць і лібералізоўваць заканадаўства ў сферы СМІ», — сказала прадстаўнік АБСЕ.
Акрамя гэтага, Міятавіч заклікала ўрад
перагледзець працэдуру акрэдытацыі журналістаў замежных СМІ у Беларусі.
«На працягу ўжо пэўнага часу я атрымліваю шмат скаргаў як ад журналістаў, якія працуюць у Беларусі, так і
Паводле беларускага закона аб СМІ «ажыццяўленне прафесійнай дзейнасці журналістаў замежных сродкаў масавай інфармацыі на тэрыторыі Рэспублікі Беларусь без акрэдытацыі забараняецца».
Паводле слоў Міятавіч, «працэдура акрэдытацыі журналістаў — абсалютна легітымная, якая прынята ў многіх краінах, але яна не павінна выкарыстоўвацца як прылада, накіраваная на тое, каб не дазволіць журналістам займацца сваёй працай».
Прадстаўнік АБСЕ паведаміла, што ўзнімала гэту праблему ў размове з міністрам інфармацыі Праляскоўскім і памочнікам прэзідэнта Янчэўскім. «Мяне запэўнілі, што з гэтым разбяруцца», — сказала яна.
Падчас сустрэчы з кіраўніком ЦВК Ярмошынай Міятавіч, паводле яе слоў, «выказала сваю занепакоенасць праблемамі, якія існуюць пры асвятленні выбарчых кампаній — адсутнасць плюралізму ў СМІ і няўключанасць няўрадавых арганізацый у працу грамадскага савета па медыйных спрэчках».
Пры гэтым прадстаўнік АБСЕ ўказала на некаторыя станоўчыя крокі — у тым ліку магчымасць правядзення кандыдатамі ў прэзідэнты тэледэбатаў.
Аднак гэтыя тэледэбаты не павінны падлягаць мантажу і рэдагаванню, падкрэсліла яна.
БелаПАН.
