Пра гэта ён заявіў на сустрэчы з міністрамі замежных спраў Нямеччыны і Польшчы Гіда Вэстэрвэле і Радаславам Сікорскім.
«Легітымнасць гэтых выбараў для нас больш важная, чым для каго іншага ў свеце»,— заявіў кіраўнік Беларусі 2 лістапада, адкрываючы ў Мінску сустрэчу з міністрамі замежных спраў ФРГ і Польшчы Гіда Вестэрвеле і Радаславам Сікорскім. Цяперашнія выбары, паводле слоў Аляксандра Лукашэнкі, пройдуць «яшчэ больш адкрыта і дэмакратычна, чым усе папярэднія».
«Ніколі ў нашай краіне не было, каб парламент і прэзідэнта выбіралі недэмакратычна,— запэўніў ён. — Гэтыя выбары будуць дэмакратычнымі,
бо вы гэтага хочаце.
Калі Еўропа паставіла пад сумненне нашы выбары, то я ўжо адкрыта сказаў: заплюшчыце вочы на ўсе парушэнні з боку апазіцыі, а пасля выбараў я вам усё раскажу».
Паводле слоў Лукашэнкі, Германія і Польшча робяць вельмі шмат для таго, каб былі добрыя адносіны як у Беларусі з гэтымі краінамі, так і ў Беларусі з Еўрасаюзам.
«Патэнцыял нашых магчымасцяў велізарны, але нерэалізаваных магчымасцяў у нас значна больш»,
— перакананы кіраўнік дзяржавы.
«І тыя крокі, якія робяцца Еўрасаюзам, напрыклад санкцыі і іншыя абмежаванні, не спрыяюць паляпшэнню адносін», — дадаў ён.
Лукашэнку таксама турбуе, што ініцыятыва ЕС «Усходняе партнёрства» «топчацца на месцы». «Было шмат надзей, але пакуль яны не рэалізаваны. У нас ёсць што прапанаваць Еўрасаюзу, і спадзяюся, што сённяшняя сустрэча актывізуе нашы адносіны», — заявіў прэзідэнт.
У сваю чаргу Сікорскі адзначыў: Польшча, як сусед Беларусі і член ЕС, зацікаўлена ў тым, каб Беларусь «прытрымлівалася еўрапейскіх каштоўнасцяў». Паводле яго слоў, Польшча падтрымлівае такія мэты і задачы Усходняга партнёрства, як эканамічная інтэграцыя і спрашчэнне візавага рэжыму. У якасці прыкладу ён паведаміў, што Малдова неўзабаве атрымае 2 млрд. еўра ў межах Усходняга партнёрства.
«Лічу, што палітычныя магчымасці будуць створаны, і Беларусь таксама зможа выкарыстаць гэтае супрацоўніцтва. Таму хачу злавіць вас на слове адносна свабодных і дэмакратычных выбараў», — сказаў польскі міністр.
Яго германскі калега Гіда Вестэрвеле дадаў, што ЕС хоча бачыць Беларусь не толькі «як суседа, але і як добрага партнёра».
«Мы гатовы паглыбіць наша эканамічнае супрацоўніцтва, але мы таксама хочам, каб Беларусь захоўвала правы чалавека, прынцыпы дэмакратыі і вяршэнства закону», — сказаў кіраўнік МЗС ФРГ. Паводле яго слоў, ЕС ухваляе і высока ацэньвае рашэнне Беларусі запрасіць міжнародных назіральнікаў на прэзідэнцкія выбары.
«Выбары будуць з’яўляцца тэстам, лакмусавай паперкай дэмакратыі ў Беларусі», — заявіў Вестэрвеле.
Еўрасаюз, падкрэсліў ён, хацеў бы, каб прадстаўнікі апазіцыі атрымалі доступ да СМІ і мелі магчымасць данесці да грамадства свае погляды і праграмы.
Вестэрвеле таксама выказаў надзею на тое, што міжнародныя назіральнікі змогуць свабодна знаёміцца з сітуацыяй у краіне і паўнавартасна назіраць за ходам выбараў.
У адказ на гэта Лукашэнка заявіў: «Нават галасы можаце палічыць, калі будзе жаданне».
Сотні рублёў, каб эфектна даведацца пол будучага дзіцяці: беларусы робяць усё больш маштабныя гендар-паці3
Каментары