Справа па ч. 2 арт. 139 Крымінальнага кодэкса (забойства) распачата ў дачыненні да 22-гадовага жыхара Баранавічаў. Ён падазраецца ў забойстве двух чалавек і раненні яшчэ аднаго. Мужчына затрыманы.
Трагедыя адбылася 6 лістапада ў вёсцы Дамашэвічы Баранавіцкага раёна.
У доме 59-гадовага мясцовага жыхара быў знойдзены труп гаспадара з агнястрэльнымі раненнем галавы, труп яго 32-гадовага аднавяскоўца з такім жа раненнем. Яшчэ адзін мясцовы жыхар, 37-гадовы мужчына, таксама з раненнем галавы памешчаны ў бальніцу.
Падчас аператыўна-вышуковых мерапрыемстваў было ўстаноўлена, што злачынства ўчыніў жыхар райцэнтра. Разам з загінулымі і параненым ён распіваў спіртныя напоі, а потым расстраляў іх з неўстаноўленай паляўнічай стрэльбы.
Вячаслаў Будкевіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
