Завод па перапрацоўцы бітага шкла будзе пабудаваны ў прамысловай зоне каля Калядзічаў да канца наступнага года. Прадпрыемства будзе знаходзіцца на плошчы 2 га, а
выдаткі на яго будаўніцтва складуць каля 5,5 мільёна еўра.Штогод тут змогуць перапрацоўваць да 120 тысяч тон шкляных адыходаў. Іх будуць сартаваць па колеры і чысціць ад прымешкаў. Канчатковым прадуктам стане чыстае бітае шкло, якое можна выкарыстоўваць на шклозаводах для вытворчасці прадукцыі.