Журы ўручыла спецыяльныя прызы кінафестывалю.
Журы ўручыла спецыяльныя прызы кінафестывалю.
Беларуска-польская стужка «Днюка» Андрэя Куцілы і Аляксандра Налівайкі, знятая для тэлеканала «Белсат», была адзначана адразу ў дзвюх намінацыях. Яна стала лепшай дакументальнай карцінай па меркаванні кінакрытыкаў і кінаведаў, а таксама ёй уручылі спецпрэмію Беларускага саюза кінематаграфістаў.
Кінакрытыкамі як лепшая мастацкая стужка была адзначана карціна «Прагульшчыкі» Лявана Кагуашвілі (Грузія).
Спецыяльны прыз выканаўчага камітэта СНД «Кіно без межаў» уручылі кіргізскаму рэжысёру Актану Арым Кубату за фільм «Выкрадальнік святла».
Асобны прыз МДТРК «Мір» «Мова кіно — мова паразумення» атрымаў грузінскі рэжысёр Раланд Барашвілі за «Прыстанак».
Спецпрэміі ад Беларускага саюза кінематаграфістаў атрымалі таксама стваральнікі фільмаў «У выпадку разгерметызацыі» Сара Мун Хау (Бельгія) і «Заварвай гарбату» Вольга Кароткая (Расія-Вялікабрытанія).
Спецыяльны прыз ад «Белтэлекаму» атрымала мастацкая стужка «Брат» венесуэльскага рэжысёра Марсэля Раскіна.
Уладальнікі галоўных прызоў «Лістапада» будуць агучаны сёння ўвечары на ўрачыстым закрыцці кінафестывалю.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім23
Каментары