Меркаванні164164

Што, Някляеў, памаглі табе твае маскалі?

Што дало б зняццё кандыдатаў — піша Андрэй Дынько.

АЭП падпісаны. Лукашэнка трыумфуе. Уладзімір Някляеў у той жа дзень прапанаваў апазіцыйным кандыдатам зняць свае кандыдатуры. А што ж — маскоўскія тэлеканалы абвесцяць пераможцам не яго, а Аляксандра Лукашэнку.

Кандыдаты зняцца адмовіліся.

Што дало б зняццё кандыдатаў?

Зніжэнне легітымнасці выбараў. Але для таго патрэбнае зняццё ўсіх разам, а не кагосьці асобна ўзятага.

Зняццё было б цяжка абгрунтаваць для грамадства. Чаму кандыдаты знімаюцца ва ўмовах, калі кампанія адбываецца свабадней, чым папярэднія?

Зняццё выклікала б у грамадства яшчэ большую фрустрацыю, чым проста працяг кіравання Лукашэнкі. Адна рэч, калі мы галасавалі за «іншага», а выбары сфальшавалі, а другая рэч — калі «яны ўвогуле забаяліся ісці».

Зрэшты, каб кандыдаты зняліся дружна, адпачатку патрэбнае адзінства дзеянняў, патрэбны адзіны рух і ўзаемны давер. А іх няма.

Чаму няма — асобная вялікая тэма.

Зянон Пазняк Някляева хваліць — для Пазняка людзі, здаецца, пачалі дзяліцца на дзве катэгорыі: тых, хто Пазняка хваліць, і тых, хто Пазняка не хваліць. А Някляеў Пазняка акурат хваліць.

Ці не Някляеў і ці не Пазняк зрабілі многае, каб даверу ў апазіцыі не стала?

Палітык не можа спадзявацца, што сёння ён будзе называць калегу агентам падстаўной апазіцыі, а заўтра той калега будзе каардынаваць з табой свае дзеянні.

Дзеяч не можа спадзявацца, што сёння ён будзе скупляць на корані левых і правых, а заўтра хтосьці будзе верыць, што ён гатовы размаўляць на роўных, што ім рухае альтруістычнае жаданне, «каб збылося ўсё, пра што вы марылі».

Заклікаючы да зняцця, Някляеў найперш хоча захаваць твар.

Ані Пазняк, ані Някляеў не маюць адказу на пытанне «Што рабіць?» і таму хочуць замяніць яго на пытанне «Хто вінаваты?» Вінаваты тыя, хто не хоча зняцца.

Скажыце праўду: адзінства апазіцыі гэтым разам дабурыў рух «Гавары праўду». Разлік на дапамогу Масквы, на падман маскоўскіх тэлеканалаў, быў фаўстаўскай стаўкай, і па ёй зараз прыйдзецца плаціць дыскрэдытацыяй. Але, нагадаю, у гэтую гульню ўцягнулася меншая частка апазіцыі.

Наяўнасць ці адсутнасць кандыдатаў у выбарчых бюлетэнях мае мала розніцы. Галоўным рычагом уплыву грамадства на палітычную сітуацыю застаецца Плошча, а не бюлетэні.
На жаль, як напісаў Алесь Юркавец у «Arche», «рашэнне ўзяць удзел у сёлетняй Плошчы для многіх, як і пяць ды дзесяць гадоў таму, зноў будзе дыктавацца адно толькі імкненнем захаваць самапавагу, але не надзеяй штосьці змяніць».

Але, піша ён, «нам у такіх умовах застаецца толькі чакаць вечара 19 снежня і, нягледзячы ні на што, выходзіць на Плошчу». Пагаджаюся з ім.

Каментары164

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі22

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Усе навіны →
Усе навіны

Халодны май ударыў па клубніцах. Беларускія фермеры кажуць аб зніжэнні ўраджаю

Мінскага крымінальнага аўтарытэта асудзілі за палітыку і прызналі экстрэмістам7

Хлопцам, якія забралі мяч з дарогі, пагражаюць 4 гадамі зняволення3

Павел Лібер пракаментаваў заяву пра ідэнтыфікацыю сілавікамі 1000 карыстальнікаў дадатку «Новая Беларусь»1

Беларусам могуць забараніць гуляць у замежных анлайн-казіно2

У Віцебскай вобласці карова нарадзіла ад зубра12

СК пахваліўся, што ідэнтыфікаваў больш за 1000 карыстальнікаў праграмы «Новая Беларусь»4

БНТУ: Выкладчык, які ўцякаў ад міліцыі, памёр ад сардэчнага прыступу51

Даляр на таргах апусціўся ніжэй за тры рублі1

больш чытаных навін
больш лайканых навін

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі22

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Галоўнае
Усе навіны →

Заўвага:

 

 

 

 

Закрыць Паведаміць