Такую суму плянуе выдаткаваць бюро Эўрапейскай камісіі па тэхнічнай дапамозе краінам СНД на перапрацоўку і ўтылізацыю побытавага сьмецьця.
Праект «Удасканальваньне сыстэмы кіраваньня цьвёрдымі побытавымі адкідамі» распрацаваў інжынэр-праграміст Віктар Макоўчык. Глябальная мэта – паляпшэньне экалягічнага становішча ў Белаазёрску і Бярозе на Берасьцейшчыне. Праект прадугледжвае стварэньне сыстэмы сартоўкі і другаснай перапрацоўкі сьмецьця, а таксама будаўніцтва закрытага палігону цьвёрдых побытавых адкідаў (ЦПА), які адпавядае ўсім сучасным стандартам. Акрамя гэтага заплянаваная шырокая інфармацыйная кампанія і стварэньне інтэрнэт-сайту праекту, правядзеньне экалягічных сэмінараў у школах пра эфэктыўнасьць паасобнага збору сьмецьця.
Але існуе праблема. Па словах Макоўчыка, укладам Беларусі ў праект павінна стаць будаўніцтва першага ўчастка палігону ЦПА. Аднак зараз будаўніцтва немагчымае, паколькі Міністэрства прыродных рэсурсаў скараціла на гэта фінансаваньне. З-за гэтага Эўразьвяз можа адмяніць фінансаваньне ўсяго праекту.
