У Беларускім Хэльсінскім камітэце каля11-й раніцы пачаўся ператрус, звязаны з крымінальнай справай аб масавых беспарадках у Мінску.
Як паведаміў старшыня БХК Алег Гулак, у офіс арганізацыі прыйшлі 4 супрацоўнікі КДБ і прад’явілі пастанову на ператрус, падпісаную пракурорам Мінска Мікалаем Куліком.
«У пастанове зазначаецца, што следства мае звесткі, што ў нас могуць быць матэрыялы, звязаныя з масавымі беспарадкамі ў Мінску 19 снежня… Мы іх упусцілі», – перадае словы Гулака «Радыё Свабода».
Ператрус на афісе БХК скончыўся ў 12.20. Супрацоўнікі КДБ апісалі камп’ютары і звезлі іх з сабой. Пасля сканчэння ператрусу на офісе арганізацыі кадэбэшнікі паехалі на кватэру Алега Гулака, паведаміў «Нашай Ніве» праваабаронца Валянцін Стэфановіч.