Абмежаванні выезду. Жонку Міхалевіча спынілі пад Баранавічамі, унеслі ў спісы «невыязных»
Яе не пусцілі ў Варшаву на канферэнцыю па Беларусі.
Жонкуэкс-кандыдата Мілану Міхалевіч не пусцілі ў Варшаву на канферэнцыю па Беларусі.
Аб такім рашэнні спецслужбаў Мілану Міхалевіч паінфармавалі а другой гадзіне ночы. Супрацоўнікі КДБ спынілі аўтамабіль, у якім яна ехала ў Варшаву. «Спынілі а другой гадзіне ночы ўжо за Баранавічамі. Супрацоўнік мясцовага ГБ азнаёміў Мілану Міхалевіч з рашэннем «кампетэнтнага органа» пра забарону ёй у выездзе за мяжу, да прыняцця рашэння па справе мужа. Ад Менска і назад нас суправаджала мінімум пяць машынаў з двума–чатырма супрацоўнікамі ў кожнай», — напісаў у сваім фэйсбуку Юрась Губарэвіч. Губарэвіч павёз Мілану, пасля таго як ёй не далі магчымасці сесці на цягнік у Мінску.
Першапачаткова жонка Алеся Міхалевіча мела выехаць у Варшаву цягніком, аднак увечары 12 студзеня да яе дадому прыйшлі з чарговым
ператрусам. Жанчына проста фізічна не паспела на цягнік.
Нагадаем таксама, што рашэнню наведаць польскі Сойм папярэднічаў тэлефонны званок Алеся Міхалевіча з турмы. Са словаў Міланы Міхалевіч, яе муж пад дыктоўку супрацоўнікаў КДБ пераконваў жонку ў непатрэбнасці паездкі.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон48
Каментары