Апазнаныя ўсе ахвяры з Дамадзедава

Апазнаныя целы ўсіх загінулых у выніку выбуху на лётнішчы «Дамадзедава».

Агенцтвы са спасылкай на мэдыкаў паведамляюць, што экспэртам удалося ідэнтыфікаваць парэшткі меркаванага тэрарыста-сьмяротніка. Гэтую інфармацыю пацьвердзілі і ў МНС Расеі. Сёньня ў Маскве і Маскоўскай вобласьці абвешчаны дзень жалобы.

Пры выбуху, ажыцьцёўленым сьмяротнікам 24 студзеня ў міжнародным тэрмінале «Дамадзедава» загінулі 35 чалавек. 117 пацярпелых застаюцца ў шпіталях, дзясяткі зь іх у цяжкім і скрайне цяжкім стане.

svaboda.org

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ