Дзеянні беларускіх уладаў супраць адвакатаў, якія абараняюць апазіцыянераў, — парушэнне права на абаронцу і суд, а таксама ўдар па незалежнасці адвакатуры, сцвярджае Камісія па правах чалавека Галоўнай рады адвакатаў Польшчы.Пра гэта ў сваёй прамове згадаў пасол Беларусі ў Польшчы.
«Мы не можам маўчаць, гледзячы, як парушаюцца правы чалавека ў Беларусі, і выказваем нашу салідарнасць з сябрамі дэмакратычнай апазіцыі краіны, а таксама настойваем на забяспечанні беларускім адвакатам неабмежаванага права займацца прафесійнай дзейнасцю», — кажа адвакат Мікалай Петшак,
польскія юрысты захапляюцца сваімі беларускімі калегамі, якія — як і многія польскія юрысты падчас ваеннага становішча ў Польшчы — насуперак дыктатарскаму рэжыму абараняюць правы чалавека і грамадзянскія свабоды.«Мы верым, што іх мужнасць і адданасць прывядзе да прагрэсу ў дэмакратызацыі краіны. Ад усяго сэрца мы вітаем іх і прапануем любую дапамогу. Нашая арганізацыя будзе ўважліва сачыць за сітуацыяй і інфармаваць пра яе міжнародныя арганізацыі», — кажа пан Трэля.
Польскія юрысты ў аўторак даслалі ліст пратэсту ў беларускае пасольства, адрасаваны паслу Віктару Гайсёнку. Дакумент датычыць дзеянняў уладаў у дачыненні да адвакатаў, якія абараняюць затрыманых пасля выступаў апазіцыі пасля прэзідэнцкіх выбараў у краіне, у тым ліку адвакатаў кандыдатаў у прэзідэнты.
Гаворка ідзе пра тое, што Міністэрства юстыцыі Беларусі спрабуе ціснуць на адвакатаў затрыманых, якія публічна раскрытыкавалі ўлады за іх дзеянні супраць апазіцыі. «Такая практыка непрымальная з пункту гледжання самакіравання адвакатаў і, такім чынам, рэалізацыі права на абарону ў Рэспубліцы Беларусь», — гаворыцца ў лісце, падпісаным Мікалаем Петшакам.
Польскія юрысты таксама выказваюць заклапочанасць з нагоды абмежаванняў на кантакты з адвакатамі затрыманых, што парушае права на абарону, у той час як Беларусь з’яўляецца ўдзельніцай міжнародных пагадненняў, якія гарантуюць гэтае права, -Усеагульнай дэкларацыі правоў чалавека і Міжнароднага пакта аб грамадзянскіх і палітычных правах.
