Хакейнае «Дынама» прайграла трэці матч запар 1

ХК «Дынама-Мінск» пацярпела тры паразы ў выязным турнэ. 26 студзеня ў Рызе падапечныя Марэка Сікоры прайгралі мясцоваму «Дынама» з лікам 3:4 (0:0, 1:3, 2:1).

Зазначым, што мінчане саступалі ў пачатку трэцяга перыяду з лікам 1:4, потым здолела скараціць лік да мінімуму, але перавесці гульню ў овертайм, на жаль, не ўдалося.

Шайбы: 1:0 — Карсумс (Спруктс, Озаліньш, 24.44). 1:1 — Фернхольм (Штумпел, 27.12 — бол.). 2:1 — Суровы (М.Рэдліх, Хартыган, 28.28 — бол.). 3:1 — Спруктс (Анкіпанс, 32.39).4:1 — Спруктс (Карсумс, 47.12). 4:2 — Сікора (Глазачаў, Касцючанак, 50.25). 4:3 — Глазачаў (Сікора, Касцючонак, 56.47 — бол.).

Мінскае «Дынама» пакуль уваходзіць у зону плей-оф, але ў «Тарпеда» (Ніжні Ноўгарад), якое адстае ўсяго на два пункты, на тры гульні меней.

Заходняя канферэнцыя: 1. Лакаматыў Яраслаўль — 96 (47), 2. Дынама Масква — 82 (47), 3. СКА Пецярбург — 77 (47), 4. Атлант — 75 (47), 5. Северсталь — 72 (47), 6. Дынама Рыга — 74 (50) 7. Спартак — 73 (48), 8. Дынама Мінск — 67 (50), 9. Тарпеда — 65 (47), ЦСКА — 53 (47), Віцязь — 46 (47).

«Дынама» да канца рэгулярнага чэмпіянату засталося правесці чатыры гульні, прычым усе чатыры пройдуць у Мінску.

Першы матч — 30 студзеня (нядзеля) супраць маскоўскага ЦСКА,

потым — двухтыднёвы перапынак, і заключныя гульні 16, 18 і 20 лютага.

Папярэднія два гады «Дынама» не трапляла ў плей-оф, прычым у мінулым годзе страціла нават тэарэтычныя шанцы на Кубак Гагарына за пяць тураў да фінішу.

Алег Гардзіенка

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ