Пагроза санкцый дзейнічае: Някляеў, Халіп пераведзеныя пад хатні арышт
Ім забаронена размаўляць праз тэлефон і выходзіць з дому.
Першымі пра гэта паведамілі лукашэнкаўскія тэлеканал СТВ і агенцтва БелТА.
Ён удакладніў, што рашэнне аб змене меры стрымання прыняў Камітэт дзяржаўнай бяспекі. Як адзначаецца, Някляеў і Халіп змешчаны пад хатні арышт з вартай.
Рашэнне было прынята, адзначае БелТА, «грунтуючыся на выніках праведзеных раней следчых мерапрыемстваў, устанаўленні асноўных абставінаў крымінальнай справы па факце масавых беспарадкаў у Менску 19 снежня, ролі кожнага з абвінавачаных і іх лініі паводзін са следствам, па ўзгадненні з органамі пракуратуры».
Вазняк жа пералічаны ў адным спісе выпушчаных з Корбанам, Радзінай, Паўлавым, Кобецам. Іх, як вядома, выпусцілі пад падпіску пра нявыезд з перабываннем у горадзе рэгістрацыі.
Някляеву і Халіп пад хатнім арыштам забаронена размаўляць праз тэлефон і выходзіць з дому. Таму ўзяць інтэрв'ю ў Ірыны пакуль нікому не ўдалося.
Складаным псіхалагічным момантам будзе патлумачыць Даніку Саннікаву, чаму мама не можа выходзіць на двор і чаму побач увесь час прысутнічае варта. Але, галоўнае, Данік зараз будзе пры маме.
Каментары