Belarus Press Photo: змены ва ўмовах конкурса

Усім, хто збіраецца прыняць удзел у конкурсе ў гэтым годзе, важна звярнуць увагу на наступныя пункты ўмоваў:

У намінацыях «Навіны» і «Людзі ў навінах» забароненая пастаноўка (любы ўплыў фатографа на падзею, аб’ект). Парушальнікі будуць дыскваліфікаваныя.

У 2011 годзе не будзе рубрыкі «Гламур і рэклама». Затое з’явіцца новая намінацыя — «Народныя традыцыі». Беларускія народныя святы, абрады, Купалы-Каляды, бабулі ў вышыванцы — гэта ўсё сюды.

Яшчэ адно новаўвядзенне — серыі будуць удзельнічаць асобна ад адзіночных здымкаў. У кожную намінацыю можна даслаць да 5-ці адзіночных фатаграфій і па 2 серыі (кожная да 12-ці здымкаў).

Журы ў гэтым годзе практычна ўсё новае, але па-ранейшаму міжнароднае і аўтарытэтнае. З’явіўся і беларускі суддзя — Яўген Казюля, старшыня НФК «Мінск», член савета творчага саюза «Фотамастацтва».

Нагадаем, што працы сёлета прымаюцца да 10 сакавіка. Усю інфармацыю можна атрымаць на сайце pressphoto.by.

АП

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ