Мэр Чыты Анатоль Міхалёў панаракаў, што ва ўладаў «няма ліцэнзіі на адстрэл бамжоў», якія «займаюць 90% месцаў у сацыяльных прытулках Забайкальскага краю, патрабуюць роўных з працоўным чалавекам выдаткаў ад дзяржавы, нічога не даючы ўзамен, і часцяком без асаблівай патрэбы займаюць койкі, дзе маглі б ляжаць падаткаплатнікі».
Такі погляд на праблему гарадскі галава, сябра «Адзінай Расіі» агучыў падчас справаздачы перад мясцовымі дэпутатамі, адказваючы на пытанне прадстаўніка КПРФ Уладзіміра Логінава аб тым, што мэрыя збіраецца рабіць з бяздомнымі, якія «кожную вясну выходзяць на вуліцы горада, як пралескі».
— заявіў на гэта Міхалёў, якога цытуе агенцтва Zabinfo.ru.«На жаль, мы не маем ліцэнзіі на адстрэл бамжоў, а іншых законных спосабаў справіцца з імі сёння няма»,
Паводле яго словаў, сёння няма ні афіцыйнага панятку «бомж», ні адказнасці за такі лад жыцця. «На мой погляд, адзіны спосаб вырашэння гэтай праблемы — на федэральным узроўні ўвесці, напрыклад, панятак „дармаед“ з адпаведнай адказнасцю», — прапанаваў кіраўнік горада.
Пакуль жа «мы не можам, як у савецкі час, прымусіць гэтых людзей працаваць» — для гэтага адсутнічаюць законныя падставы, паскардзіўся мэр. Гэта пры тым, што на працу сацыяльных службаў, якія ім дапамагаюць, выдаткоўваецца нямала бюджэтных грошай.
«Да прыкладу, на лячэнне аднаго бамжа медыкі марнуюць у сярэднім 17 тысяч рублёў з бюджэту горада, у той час як для гарадской казны гэтыя грамадзяне не зарабляюць ні капейкі», — прыводзіць яго словы «Забmedia.ru». Партал пры гэтым не згадвае фразы пра ліцэнзію на адстрэл.
Як адзначае РБК, Анатоль Міхалёў з’яўляецца лаўрэатам нацыянальнай прэміі імя Мініна і Пажарскага «Вартаму грамадзяніну — удзячная Расія».
Як раней паведамлялі забайкальскія СМІ, паводле дадзеных праваахоўных органаў, штогод падчас
