Сёння, 25 лютага, у Іраку пачаўся агульнанацыянальны Дзень гневу — акцыя, падчас якой жыхары збіраюцца патрабаваць ад уладаў вырашыць пытанне недахопу працоўных месцаў, харчавання, электраэнергіі і вады.
Як паведамляе Reuters, на акцыі пратэсту выйшлі тысячы іракцаў. Дэманстрацыі ахапілі шмат буйных гарадоў па ўсёй тэрыторыі краіны — ад Кіркука на поўначы да Басры на поўдні.
Паводле дадзеных СМІ, ужо ёсць першыя ахвяры: падчас сутычак дэманстрантаў з супрацоўнікамі сілавых структураў у Кіркуку загінулі два чалавекі і каля 30 атрымалі раненні.
Цяпер сотні дэманстрантаў спрабуюць прарвацца на багдадскую плошчу Тахрыр. Ім перашкаджаюць паліцыя і вайскоўцы, якія заблакавалі подступы да запланаванага месца збору маніфестантаў.
Заклікі выйсці 25 лютага на масавыя дэманстрацыі на плошчу Тахрыр у цэнтры Багдаду і ў іншых гарадах Ірака распаўсюджваліся ў апошнія два тыдні ў сацыяльных сетках Facebook і Twitter, на шэрагу іракскіх сайтаў, а таксама рассылаліся па электроннай пошце.
У адрозненне ад іншых арабскіх краін, пратэсты ў Іраку не скіраваныя на зрынанне рэжыму. Іх удзельнікі заклікаюць перш за ўсё вырашыць пытанне недахопу працоўных месцаў і бытавыя праблемы.
Учора ў Багдадзе быў арыштаваны журналіст Мунтазер
Прэм’