Імі сталі Леапард, Белы мядзведзь і Зайка.
У суботу ў эфіры расійскага Першага канала прайшлі выбары талісмана зімовых Алімпійскіх і Паралімпійскіх гульняў 2014 года ў Сочы.
Талісманамі сталі адразу трое -- Леапард (28 працэнтаў галасоў), Белы мядзведзь (18) і Зайка (16), Паралімпійскіх -- Праменьчык і Сняжынка.
Усяго на перамогу ў конкурсе прэтэндавалі Буры мядзведзь, Леапард, Белы мядзведзь, Зайка, Сонейка, Праменьчык і Сняжынка, Снягір, Матрошкі і Дэльфін.
Дзед Мароз выбыў з галасавання. Справа ў тым, што ён з'яўляецца сімвалам Новага года ў Расіі, і таму ён быў выключаны з галасавання, бо ў выпадку перамогі талісман Алімпіяды стане ўласнасцю Міжнароднага алімпійскага камітэта (МАК).
У шоу ўзялі ўдзел члены журы -- расійскія артысты і дзеячы шоў-бізнэсу Канстанцін Эрнст, Юрый Башмет, Аляксандр Папоў, Алег Табакоў, Алсу, Леў Лешчанка, Мікалай Цыскарыдзе, Дзіма Білан, група «Чэлсі», Саці Казанова ды іншыя.
У галасаванні мог узяць удзел любы жыхар Расіі.
