У Віцебску з’явілася даўгахвостая кугакаўка (Strix uralensis) — птушка сямейства савіных, занесеная ў Чырвоныя кнігі Беларусі, Літвы, Латвіі, Польшчы і Украіны.
Упершыню рэдкую птушку заўважыў на вуліцы Калініна карэспандэнт «Народнага слова» Алесь Бынькоў яшчэ 23 лютага. А 2 сакавіка чытач «Народных навінаў Віцебска» White Power паведаміў, што кугакаўка з’явілася ў двары
Даўгахвостая кугакаўка, як і ўсе совы, птушка начная, а днём бачыць дрэнна. Скарыстаўшыся гэтым, на лясную госцю напалі агрэсіўныя тубыльцы Віцебска — вароны і галкі. Праўда, самаўпэўненасць дорага каштавала гарадскім птушкам — да моманту прыбыцця на месца карэспандэнта «ННВ» кугакаўка ўжо даядала ўпаляваную галку.
Мясцовыя жыхары паведамілі, што ў іх двары «чырвонакніжніца» знаходзіцца ўжо другі дзень, і яны вельмі непакояцца за лёс прыгожай істоты, бо вароны яе не пакідаюць у спакоі. Настаўніца, якая жыве ў доме № 21, нават тэлефанавала ў заапарк, але там параілі злавіць птушку самастойна або выклікаць выратавальнікаў.
На сённяшні дзень у Беларусі налічваецца ад 1200 да 1800 гняздуючых пар даўгахвостай кугакаўкі. Найбольшая шчыльнасць гнездавання на стыку Верхнядзвінскага і Расонскага раёнаў — 9,5 пар на 100 квадратных кіламетраў. Размах крылаў гэтай досыць вялікай птушкі можа дасягаць 140 см, а вага — 970 грамаў. З леса яе маглі выгнаць моцныя маразы і глыбокі снег, якія ўскладнілі паляванне на дробных грызуноў — асноўнай ежы даўгахвостай кугакаўкі.
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары