Германія і краіны Вышаградскай групы патрабуюць вызваліць палітвязняў у Беларусі і не выключаюць ўзмацнення санкцый супраць рэжыму Аляксандра Лукашэнкі.
Міністры замежных справаў Германіі, а таксама Венгрыі, Польшчы, Славаччыны і Чэхіі на сустрэчы, якая адбылася ў Браціславе ў чацвер, казалі, што пераслед апазіцыі ў Беларусі трэба спыніць, а асноватворныя дэмакратычныя правы павінны выконвацца, паведамляе агенцтва DPA.
Яны не выключылі магчымасці ўзмацнення санкцый, «калі рэжым у Менску працягне трымаць людзей у турмах па палітычных матывах».
Гаворка ідзе аб парушэннях правоў чалавека, у тым ліку пераслед апазіцыі пасля прэзідэнцкіх выбараў.
Вышаградская група была створана ў лютым 1991 года ў мэтах узаемадапамогі Венгрыі, Польшчы і Чэхаславаччыны.
0
0
0
0
0
0
