Увечары 19 сакавіка аршанскія актывісты распаўсюдзілі па горадзе некалькі дзесяткаў улётак «Свабоду Паўлу Севярынцу!» з партрэтам зняволенага ў СІЗА КДБ палітыка і ўлёткі з партрэтам Змітра Дашкевіча, якога затрымалі 18 снежня, за дзень да прэзыдэнцкіх выбараў, паводле абвінавачання ў злосным хуліганстве.
Улёткі ў падтрымку палітвязняў зьявіліся на афішных тумбах і прыпынках гарадскога транспарту.
У царкве Святога Леаніда прайшла малітва за вызваленне зняволеных удзельнікаў мінскай акцыі 19 снежня. Яе арганізавалі мясцовыя прыхільнікі Беларускай хрысціянскай дэмакратыі.
0
0
0
0
0
0
