Беларусь падрыхтавала і ўжо рэалізуе захады ў адказ на рашэнне Еўрасаюза пра санкцыі ў дачыненні да беларускіх чыноўнікаў.
Захады ў адказ могуць закрануць больш за 150 асобаў з ЕС і ЗША, заявіла Інтэрфаксу крыніца ва ўрадавых колах.
"Зваротныя захады закрануць больш як 150 асобаў з краінаў Еўрасаюза і ЗША,
сярод якіх старшыня Еўрапарламента Ежы Бузэк, дэпутат ЕП Яцэк Пратасевіч і шэраг іншых палітыкаў, парламентарыяў, журналістаў,
якія праславіліся найбольш адыёзнымі ініцыятывамі ў дачыненні да Беларусі", — адзначыў суразмоўца агенцтва.
Суразмоўца таксама адзначыў, што "аднымі візавымі санкцыямі Беларусь не мае намеру абмяжоўвацца
і распрацавала таксама шэраг іншых захадаў у адказ".
"Не выключана, што яны закрануць пытанні транспамежнага супрацоўніцтва, дзейнасці на тэрыторыі Беларусі асобных замежных фондаў і няўрадавых арганізацый", — сказала крыніца агенцтва.
Пры гэтым, дадада яна, "прынятыя меры будуць насіць больш прапарцыйны і дыферэнцыяваны, а не люстраны характар у адносінах да санкцыяў ЕС і ЗША".
MЗC Беларусі не пацьвярджае, але і не абвяргае гэтую інфармацыю.
31 студзеня Рада міністраў замежных спраў Еўрапейскага Саюза забараніла ўезд на сваю тэрыторыю 158 беларускім чыноўнікам на чале з кіраўніком Беларусі Аляксандрам Лукашэнкам. Санкцыі сталі адказам на рэпрэсіі беларускіх уладаў супраць апазіцыі пасля прэзідэнцкіх выбараў 19 снежня 2010 года.
