Напярэдадні зьявілася інфармацыя, што экс-кандыдат у прэзыдэнты Аляксандар Казулін спыніў галадоўку. Гэтую інфармацыю распаўсюдзіла кіраўніцтва калёніі «Віцьба», дзе адбывае пакараньне Казулін. Блы рэктар БДУ прагаладаў за кратамі звыш 50 дзён.
Жонка Аляксандра Казуліна Ірына ў гутарцы з карэспандэнтам «НН» адзначыла, што паверыць у тое, што муж спыніў галадоўку толькі пасьля таго, як пагаворыць зь ім. Яна зараз спрабуе дамагчыся тэлефоннай размовы з Казуліным, але адміністрацыя калёніі пакуль не прыняла рашэньне па гэтаму пытаньню. Ірына Казуліна кажа: «Няўжо дзесяць хвілінаў, якія мы паразмаўляем па тэлефоне, прадстаўляюць такую небясьпеку для краіны».
Аднак Ірына Казуліна ўсё ж схільная давяраць зьвесткам пра тое, што Казулін спыніў галадоўку.
