На патрабаванне КДБ «Наша Ніва» выдаліла з сайта відэа сцэн пасля тэракту
Супрацоўнікі спецслужб прыйшлі, каб у рамках крымінальнай справы, заведзенай па факце падзей у метро, выняць (г.зн. скапіяваць) у НН фота- і відэаматэрыялы, якія тычацца ўчарашніх падзей.
Чатыры супрацоўнікі КДБ з’явіліся ў Рэдакцыі «Нашай Нівы» прыкладна, а 10.00, 12 красавіка, у суправаджэнні двух міліцыянтаў і двух панятых.
У Рэдакцыі і ў гэты час знаходзіліся 9 супрацоўнікаў.
Адзін з кадэбістаў паведаміў, што ў КДБ «ёсць пытанні» да матэрыялаў, змешчаных у НН.
Супрацоўнікі спецслужб прыйшлі, каб у рамках крымінальнай справы, заведзенай па факце падзей у метро, выняць (г.зн. скапіяваць) фота- і відэаматэрыялы, якія тычацца ўчарашніх падзей.
Таксама на іх запатрабаванне з сайта было выдаленае відэа, зробленае ўчора каля метро «Кастрычніцкая» аператарамі НН.
Рэдакцыйныя камп’ютары не забралі.
Усяго супрацоўнікі КДБ знаходзіліся ў Рэдакцыі «Нашай Нівы» каля гадзіны.
З галоўнага рэдактара «Нашай Нівы» Андрэя Скурко ўзятая падпіска пра неразгалошванне зместу гутаркі.
Супрацоўнікі КДБ паводзілі сябе карэктна.
- * *
Сайт працаваў у рэжыме перагрузкі праз надзвычайную колькасць наведванняў.
Праз вялікую колькасць клікаў сайт НН вымушаны працаваць у тэкставай версіі.
Паветраная гімнастка паказала закуліссе працы ў Белдзяржцырку7
Каментары