Намеснік дырэктара прадпрыемства «Лекфарм» Андрэй Патаповіч выказаў БелаПАН меркаванне, што імпарцёры лекавых сродкаў зараз знаходзяцца ў лепшым становішчы за вытворцаў, «бо маюць права першачарговай куплі валюты па афіцыйным курсе Нацбанка».
Паводле яго слоў, вытворцы могуць набываць валюту для куплі субстанцыі, з якой вырабляюцца лекі, на біржы па курсе Нацбанка. Для куплі іншых складнікаў лекаў — па пазабіржавым курсе. Зараз у «Лекфарма» ёсць запас субстанцый і іншых складнікаў на некалькі месяцаў. «У выпадку неабходнасці выкарыстаем крэдыт, адтэрміноўкі з пастаўшчыкамі прадукцыі», — сказаў Патаповіч. Ён асцерагаецца, што калі прадпрыемства будзе вымушана купляць валюту па высокім курсе, гэта можа прывесці да павелічэння кошту лекаў.
Ён таксама занепакоены тым, што
Дырэктар Нясвіжскага завода медыцынскіх прэпаратаў Сяргей Прасмыцкі паведаміў БелаПАН, што зараз прадпрыемства не закупляе імпартную сыравіну, з якой вырабляецца прадукцыя. Паводле яго слоў, прадпрыемства працуе на падставе кантрактаў з адтэрміноўкай плацяжу. Зараз надышоў тэрмін плацяжу, «а валюты няма». «Мы купляем экспартную выручку, якая прыходзіць, паводле курсу Нацбанка і прадаем абавязковыя 30% валюты. Пакуль валюту па пазабіржавым курсе мы не куплялі», — зазначыў Прасмыцкі.
Калі сітуацыя на валютным рынку не зменіцца, у найбліжэйшыя два тыдні прадпрыемства можа спыніцца, сказаў дырэктар. «Мы не можам працаваць, прадаючы валюту, што паступае, паводле курсу 3 тыс. 100 рублёў і купляючы па 6 тыс. рублёў», — сказаў ён. У якасці аднаго са спосабаў змякчэння праблемы Прасмыцкі разглядае адмену абавязковага продажу 30% валюты.