27 красавіка ў Кастрычніцкім судзе пачаўся разгляд справы ўпартага актывіста апазіцыі Паўла Вінаградава, юнака з Гродна Алеся Кіркевіча, архівіста Змітра Дразда, Андрэя Пратасені і Уладзіміра Хамічэнкі (агент «Навушнік»).
Сёння, 5 мая, апошні, пяты дзень судовага паседжання. Засталіся апошнія выступы двух адвакатаў — Кіркевіча і Вінаградава, а таксама апошнія слова ўсіх пяці абвінавачаных.
17.08. Абвешчаны прысуд — Кіркевіч — 4 гады зняволенняВінаградаў — 4 гады
Пратасеня — 3 гады
Дрозд — 3 гады
Хамічэнка — 3 гады
Такім чынам, суддзя вынесла тыя прысуды, якія і прасіў пракурор. Скінулі паўгоду зняволення толькі Дразду.
11.15. Суддзя абвяшчае, што прысуд будзе абвешчаны ўа
11.14. Апошняе слова Пратасені. Хлопец уклаўся літаральна ў адзін сказ.
11.12. Апошняе слова Кіркевіча. «Пытанне — супраць якой асобы ці маёмасці ўжыў гвалт? Хацелася б ведаць канкрэтна. Застаецца фактар — мая палітычная пазіцыя і палітычная сіла, якую я прадстаўляю. Але гэта недастатова, каб асудзіць мяне. Я спадзяюся, што ў гэтай краіне засталося хоць трошкі законнасці, і хай Бог блаславіць суд на рашэнне».
11.09. Апошняе слова Вінаградава. «Я бачыў некалькі дзясяткаў тысяч чалавек, якія выйшлі на Плошчу праз сітуацыю ў гэтай краіне. Агрэсія была накіраваныя супраць аднаго будынка, і тое таму што міліцэйскае кіраўніцтва не выйшла на перамовы.
Тое, што цяпер з’яўляецца дзяржаўным сцягам і гербам я лічу
11.08. Апошняе слова Хамічэнкі. Чытае, бо яму складана запомніць тэкст. На Плошчы апынуўся выпадкова, пра што шкадуе. Я не супраціўляўся спецназаўцам. Я не такі як усе, я многага не разумею. Я гатовы сумленна працаваць.
11.05. «Я прашу даць мне восем, дзесяць гадоў, але каб я мог быць дома і рэалізоўваць свае творчыя планы», — працягвае Дрозд.
11.02. «За тры ўдары па дошцы тры гады зняволення — гэта нармальна?» — задае рытарычнае пытанне Дрозд. — «Людзі былі настроены мірна, пакуль іх не сталі біць дубінкамі. Я разумею, чаму абвінаваўца не хоча глядзіць гэтае відэа».
11.01. «Толькі ў нас у краіне белае называюць чорным, а чорнае — белым. Нездарма БТ называюць „
10.59. «У нас, тых, хто выйшаў на Плошчу, была нагода гэта зрабіць. Ніхто не планаваў экстрэмісцкіх дзеянняў. Іначай бы я браў
Я не бачу ніводнага пункта закона, які я парушыў. Я падышоў да дзвярэй апошнім, калі ўжо бег спецназ. Сваё пакаранне я атрымаў ад спецназаўцаў не адыходзячы ад месца — па галаве і па спіне. Я адбыў 10 сутак адміністрацыйнага пакарання ў Жодзіна. Цяпер я сяджу чацвёрты месяц у СІЗА. Мяне лічаць злосным злачынцам, які збяжыць з краіны. Я не экстрэміст, а чалавек, які любіць сваю краіну», — працягвае Дрозд.
10.55. Дрозд кажа, што сем гадоў жыў у Расіі, у яго была добрая праца, у яго была кватэра ў цэнтры Масквы, але ён хацеў зрабіць нешта большае. Кажа, што дапусціў памылку, вярнуўшыся ў Беларусь, бо любіў сваю краіну. «Выбары былі сфальсіфікаваныя», — спакойна і ўпэўнена паўтарае Дрозд. Суддзя трымаецца, маўчыць.
10.51. Апошняе слова Дразда. «Успрымаю сваё апошняе слова як сапраўды апошняе. Усе свае 40 гадоў я не рыхтаваўся да турмы, абыходзіў блатныя кампаніі. Для мяне як гісторыка тое, што я назіраю, проста як падарунак лёсу. На машыне часу мы перанесліся ў 1938 год. Я апынуўся ў клетцы за тое, што я люблю Беларусь.
Трэба адразу браць рэчы і з’язджаць з краіны, каб не бачыць катаў. Досвед маёй сям’і паказвае, што, калі да ўлады прыходзяць такія людзі, трэба з’язджаць».
Суддзя яго перабівае і заклікае казаць пра матэрыялы справы.
10.49. Просіць апраўдаць Вінаградава ў сувязі з недаказанасцю ягонай віны.
10.42. Пачалося выступленне Волкавай, адвакаткі Вінаградава.
10.38. Адвакатка Кіркевіча просіць апраўдаць свайго падабароннага. «Гэтая справа будзе ў цэнтры ўвагі грамадства, — нагадвае яна. — Ацэнка вынесенага прысуду будзе дадзена ўсёй грамадскасцю». Кажа, пра няўдалыя спробы наведаць Кіркевіча ў СІЗА КДБ: «Ён не мог у поўнай меры рэалізаваць сваё права на юрыдычную абарону».
10.31. «Калі б хтосьці хацеў арганізаваць падпалы, ён бы штосьці падпаліў», — кажа адвакатка, абвяргаючы здагадку пракурора аб падрыхтоўцы падпалаў.
10.23. Адвакатка Кіркевіча паўтарае аргументы сваіх калегаў, якія растлумачылі абсурднасць абвінавачвання і яго неадпаведнасць
10.05. Пачалося выступленне адвакаткі Кіркевіча. Зачытвае цытаты з выступлення адваката стогадовай даўніны, якое надзвычай добра апісвае дзеянні натоўпу «Зруйнуйце турму, і цагліны ад яе могуць пайсці на тварэнне», — кажа яна. Вялікі натоўп растварыўся на Плошчы, а «маленькі натоўп сфармавалі следчыя і абвінаваўцы».
9.50. Зала патроху запаўняецца людзьмі, але бачна, што аншлагу зноў не будзе.
— Нагадаем, што ўчора пракурор папрасіў для хлопцаў наступнае пакаранне:
Кіркевіч — 4 гады
Вінаградаў — 4 гады
Пратасеня — 3 гады
Дрозд — 3 з паловай гады
Хамічэнка — 3 гады
