Паводле прагнозу Рэспубліканскага гідраметэацэнтра, 14 мая ў Беларусі будзе воблачна з праясненнямі. Ноччу на большай частцы тэрыторыі, днём пераважна па паўночна-ўсходняй палове краіны дажджы, у асобных раёнах навальніцы. Ноччу месцамі па Віцебскай вобласці моцныя дажджы. Вецер паўночна-заходні 5—10 м/с, парывы да 14 м/с, пры навальніцах парывы да 15—18 м/с. Тэмпература паветра ноччу плюс 7—12°С, днём плюс 11—17°С, па паўднёвым захадзе да плюс 20°С.
У Мінску 14 мая воблачна з праясненнямі. Ноччу і раніцай дождж, днём невялікі дождж, ноччу магчыма навальніца. Вецер паўночна-заходні 5—10 м/с, парывы да 14 м/с. Тэмпература паветра ноччу плюс 8—10°С, днём плюс 14—16°С.
15 мая ў Беларусі чакаецца пераменная воблачнасць. Ноччу ва ўсходніх раёнах, днём па Брэсцкай і Гродзенскай абласцях кароткачасовыя дажджы, месцамі навальніцы. Вецер паўночна-заходні з пераходам на паўднёвы 4—9 м/с, пры навальніцах парывы да 14 м/с. Тэмпература паветра ноччу плюс 3—9°С,
днём ад плюс 16°С па ўсходзе да плюс 24°С па паўднёвым захадзе.
16 мая ў Беларусі воблачна з праясненнямі. На большай частцы тэрыторыі кароткачасовыя дажджы, месцамі навальніцы. Вецер паўднёвы, паўднёва-заходні 4—9 м/с, пры навальніцах парывы да 14 м/с. Тэмпература паветра ноччу плюс 6—13°С, днём плюс 15—21°С, па паўднёвым усходзе да плюс 25°С.
