Працяг судовага працэса над экс-кандыдатамі ў прэзідэнты Уладзімірам Някляевым і Віталём Рымашэўскім, а таксама Аляксандрам Фядутам, Андрэем Дзмітрыевым, Сяргеем Вазняком, Настай Палажанкай.
Працяг судовага працэса надэкс-кандыдатамі ў прэзідэнты Уладзімірам Някляевым і Віталём Рымашэўскім, а таксама Аляксандрам Фядутам, Андрэем Дзмітрыевым, Сяргеем Вазняком, Настай Палажанкай.
Працэс Някляева. Дзень шосты. Людзі ў чорным ударылі некалькі разоў яго нагамі у жывот
15:35
Чытанне матэрыялаў справы скончанае. Суддзя абвясціла перапынак да 10:00 16 мая.
15:30
Дзяржаўны абвінаваўца зараз гартае апошні —
15:15
Пракурор дайшоў ужо да 23 тома. Справа ў тым, што зараз ён проста прагортвае матэрыялы, якія датычаць дзейнасці кампаніі «Гавары праўду». Крымінальная справа менавіта ў гэтай частцы спыненая, таму дзяржаўны абвінаваўца іх не агучвае, да судовага разбіральніцтва яны дачынення не маюць
15:02
Перайшлі да
14:52
Адвакатка Насты Палажанкі папрасіла пракурора зачытаць прыгавор Палажанцы, вынесены за дзейнасць ад імя незарэгістраванай арганізацыі. Пракурор адмовілася і прапанаваў зачытаць самой адкакатцы. Яна зачытала.
Зараз апытвае сваю паабаронную размова тычыцца набыцця ён спальных мяшкоў.
14:41
Суддзя Жанна Жукоўская зрабіла заўвагу Дзмітрыеву і Вазняку. На яе думку, адзін нешта ўвесь час піша, а другі чытае.
«Можа вы адкладзеце сваю тэхніку і на пасяджэнні папрысутнічаеце?» «Я канспектую», — адказаў Дзмітрыеў.
Пракурор (хто прызабыў — Андрэй Кажэўнікаў) перайшоў да
Пракурор на просьбу адвакаткі Н. Палажанкі зачытаў з 15 тома справы звароты адвакаткі і самой Палажанкі аб складанасцях сустрэчы адвакаткі і Палажанкі падчас утрымання апошняй у СІЗА КДБ.
Дайшлі да тэлефонных размоваў Палажанкі. Адвакатка запатрабавала ад пракурора зачытаць дакумент, дзе б утрымлівалася абаснаванне праслухоўвання.
14:05
Працэс аднавіўся. Адвакат Някляева падаў хадайніцтва аб допыце сведкі Міхася Пашкевіча, які ў штабе Някляева праводзіў перамовы з МУС, КДБ і Мінгарвыканкамам. Суддзя на месцы пастанавіла адмовіць у задавальненні хадайніцтва.
Зараз пракурор будзе агалошваць матэрыялы 13 тома справы. У ім сабраныя матэрыялы, датычныя стратаў установаў і прадпрыемстваў з праспекта Незалежнасці, якія яны панеслі ў выніку правядзення масавай акцыі пратэсту вечарам 19 снежня 2010.
12:53
Абвешчаны перапынак да 14:00.
12:49
У матэрыялах справы Рымашэўскага ёсць размова Статкевіча, Уса, Саннікава, Халіп з кіраўніком мінскай ДАІ падпалкоўнікам Карзюком. Статкевіч і Рымашэўскі заклікалі падпалкоўніка гарантаваць бяспеку людзей, дазволіць ім прайсці па праспекце. Ус некалькі разоў запрашаў Карзюка ісці разам з дэманстрантамі. «З намі генералам будзеш» — заявіў ён. Пакуль вяліся перамовы, дэманстранты самавольна выйшлі на праезжую частку.
12:22
Пракурор закончыў чытаць тэлефонныя размовы Дзмітрыева. Заўвага адваката, што праслухоўванне было незаконным, засталася без увагі.
Пракурор зачытаў характарыстыкі на Віталя Рымашэўскага, пратаколы ператрусаў і аглядаў.
12:15
Тэлефонныя размовы Дзмітрыева ў асноўным датычаць затрыманняў актывістаў напярэдадні Плошчы, фальсіфікацый, парушэнняў выбарчага заканадаўства. Гэта перамовы з актывістамі і кіраўніцтвам штаба, прадстаўнікамі іншых штабоў, журналістамі.
11:37
Пракурор пачынае чытаць раздрукоўкі тэлефонных размоваў Дзмітрыева, якія адбываліся непасрэдна перад днём выбараў. У размовах некалькі разоў згадваюцца назіральнікі АБСЕ і факты фальсіфікацыі выбараў.
Сярод размоваў, далучаных да справы, пракурор угледзеў такія, якія назваў «не маючыя дачынення да справы». Зараз працягвае чытанне раздруковак.
Размовы чытаюцца хутка і невыразна, нават у першых шэрагах можна разабраць толькі ўрыўкі. Палажанка жартуе: «Лепш бы чытаў ужо пра сябе».
11:32
Больш сведак на сёння няма. Пракурор чытае
11:19
Наступная сведка — Дар’я Бахар з Наваградка. Яна прыехала ў Мінск 18 снежня для ўдзелу ў мірнай акцыі. Начавала ў той кватэры, што і Ваўчок і Казаком.
10:56
Наступны сведка — Юры Казак, прадпрымальнік з Наваградка. Ён начаваў у той жа кватэры, што і Ваўчок. Начлег таксама дапамагла Наста Палажанка.
Казак кажа, што рашэнне прыехаць на Плошчу прыняў самастойна.
10:40
Сакратарка прывяла наступнага сведку — Сяргея Ваўчка. Ён прадпрымальнік, падчас выбарчай кампаніі агітаваў за Рымашэўскага. Гаворыць, што распаўсюджваў улёткі ад імя Рымашэўскага з заклікам прыйсці на Плошчу, але грошы не атрымоўваў. 19 снежня ён удзельнічаў у дэманстрацыі. У Мінск прыехаў 18 снежня, гаворыць, што кватэру для начлега дапамагла знайсці Наста Палажанка. паводле Ваўчка, у той кватэры начавала каля 7 чалавек.
10:37
Сведка адмовілася ад давання паказанняў.
10:28
Абвешчаны перапынак на 5 хвілін.
10:23
Міліцыянты прывялі ў залу наступную сведку — Анастасію Чэкан. Гэта знаёмая Вазняка, якая жыла ў спаленай кватэры. Яна праходзіць абвінавачанай па справе падпалу. Сведка просіць дапытаць яе ў закрытым рэжыме.
10:16
Сведка Дзмітрый Брынза адмовіўся даваць паказанні. Пракурор прапанаваў зачытаць яго паказанні, дадзеныя падчас следства, але супраць запратэставалі адвакаты, і суддзя абвясціла
Брынза абвінавачваецца ў падпале кватэры ў якой, паводле версіі абвінавачвання, Вазняк захоўваў вялікую суму грошай, ад каторай пазней адмовіўся.
Сведка паўторна адмовіўся сведчыць па справе Вазняка. Яго паказанні пракурору зачытаныя не будуць.
10:05
Працэс аднавіўся. Слова адразу ўзяў Някляеў. Нагадаў суддзі аб
У залу суда прывялі сведку па справе Сяргея Вазняка наконт ілжэсведчання. Той у кайданках, з аховай, бо ўтрымліваецца пад вартай па іншай справе.
9:48
Пачынаюць запускаць у залу суда.
***
За ўдзел у «Плошчы» асуджана ўжо 22 чалавекі і ў суботу і панядзелак будзе вынесены прысуд васьмі чалавекам:
за ўдзел у масавых беспарадках Васіль Парфянкоў прыгавораны да чатырох гадоў пазбаўлення волі ў калоніі строгага рэжыму; Аляксандр Атрошчанкаў — да чатырох гадоў у калоніі ўзмоцненага рэжыму; Мікіта Ліхавід — да трох з паловай гадоў пазбаўлення волі, Дзмітрый Новік і Аляксандр Малчанаў — да трох з паловай і трох гадоў у калоніі ўзмоцненага рэжыму адпаведна; грамадзяне РФ Арцём Брэус і Іван Гапонаў — да штрафу ў 300 базавых велічыняў (10,5 млн. рублёў) кожны; Дзмітрый Мядзведзь — да трох гадоў абмежавання волі без накіравання ў папраўчую ўстанову. Алесь Кіркевіч асуджаны на 4 гады зняволення, Павел Вінаградаў — на 4 гады, Андрэй Пратасеня — 3 гады, Зміцер Дрозд — на 3 гады, Уладзімір Хамічэнка — 3 гады.
Уладзімір Лобан асуджаны да 3 год пазбаўлення волі, Андрэй Федаркевіч — да 3,5, Яўген Сакрэт — да 3, Сяргей Казакоў — да 3, Дзмітрый Даронін — да 3,5 гадоў у калоніі агульнага рэжыму, Віталь Мацукевіч — да 3 гадоў калоніі строга рэжыму.
За падрыхтоўку дзеянняў, што парушаюць грамадскі парадак (арт. 342), на 2 гады калоніі агульнага рэжыму быў асуджаны каардынатар «Еўрапейскай Беларусі» Зміцер Бандарэнка.
Апроч таго, за злоснае хуліганства былі таксама асуджаныя Зміцер Дашкевіч і Эдуард Лобаў — на два і чатыры гады пазбаўлення волі адпаведна. Іх затрымалі 18 снежня, за дзень да прэзідэнцкіх выбараў.
***
Сёння, а
У панядзелак, 16 мая, будзе вынесены прысуд кіраўніку штаба Віталя Рымашэўскага Паўлу Севярынцу (пракурор запатрабаваў асудзіць яго тры гады хіміі), журналістцы, жонцы Андрэя Саннікава Ірыне Халіп (два гады абмежавання волі з адтэрміноўкай), кіраўніка штаба Міколы Статкевіча Сяргею Марцалеву.
У Мінску працягваецца таксама працэс над
Каментары