Кіраўнік МЗС Расіі Сяргей Лаўроў напрэс-канферэнцыі пасля сустрэчы з польскім і нямецкім калегамі ў Калінінградзе паставіў некалькі акцэнтаў адносна беларускай сітуацыі.
Найперш Лаўроў, у тон Радаславу Сікорскаму і Гіда Вастэрвеле, з якімі дамаўляўся пра бязвізавы рэжым між Расіяй і ЕС, асудзіў палітычныя рэпрэсіі ў Беларусі.
«Міністэрства замежных спраў зрабіла афіцыйную заяву пра наша негатыўнае стаўленне да судовых працэсаў, вынесеных прысудаў.
Мы заклікалі і заклікаем беларускае кіраўніцтва цалкам выконваць міжнародныя абавязальніцтвы ў тым, што тычыцца павагі правоў і свабод чалавека», — адзначыў Лаўроў.
Пасля прэзідэнцкіх выбараў 2010 года Расія ўпершыню так паслядоўна асуджае на высокім узроўні парушэнні правоў чалавека ў Беларусі. Пасля падзей 19 снежня 2010 года Крэмль нават спрабаваў унікнуць наўпроставага віншавання Аляксандра Лукашэнкі з «перамогай» на выбарах, даслаўшы віншаванне «з вынікамі выбараў».
У папярэднія прэзідэнцкія кампаніі расійскае кіраўніцтва ўстрымлівалася ад асуджэння іх недэмакратычнасці і адначасова падтрымлівала дыктатуру Лукашэнкі крэдытамі і энерганосьбітамі па зніжаных цэнах.
Аднак і еўрапейскую палітыку санкцый супраць лукашэнкаўцаў Расія не падзяляе. Санкцыі «немэтазгодныя», бо «не будуць спрыяць дасягненню тых вынікаў, пра якія ідзе гаворка», казаў Лаўроў. «Ва ўсіх выпадках
не ізаляцыя, а ўцягванне спрыяюць прасоўванню рынкавых і дэмакратычных рэформаў», — дадаў ён.
Еўрасаюз жа, відаць, расчараваўся ў палітыцы «ўцягвання», якую спрабаваў праводзіць у дачыненні Лукашэнкі ў 2008–2010 гадах. «
Мы будзем узмацняць ціск на беларускі рэжым, пакуль ён не зменіць свой курс», — адзначыў на той самай
Пытанне ўзмацнення санкцый еўраміністры абмяркуюць у Брусэлі ў панядзелак.
