Беларускія каталікі святочнай працэсіяй адзначылі Урачыстасць Божага Цела. Шэсце сабрала да трох тысяч чалавек.
Пачалася працэсія ў касцёле Найсвяцейшай Тройцы ля Плошчы Перамогі.
Пасля вернікі рушылі па праспекце Незалежнасці.
На Плошчы Перамогі быў першы ўрачысты прыпынак.
Ля Вечнага Агню чынна змянялася варта…
Вернікі і піянеры.
Найсвяцейшы Сакрамант.
Турынская плашчаніца на святочнай працэсіі – адна з некалькіх дзясяткаў копій у свеце.
У працэсіі ўзяло ўдзел больш каля 2000 вернікаў.
На Кастрычніцкай плошчы людзі маліліся за ахвяр тэракта ў мінскім метро.
Святочныя шэрагі.
Шлях сакраманту абсыпалі кветкамі.
Ля ГУМа за працэсіяй назіралі і мінакі, нехта і хрысціўся.
Шлях працэсіі прайшоў і праз будынак КДБ.
На падыходзе да плошчы Незалежнасці.
Крыжык у руках адной з удзельніц працэсіі.
Прыпынак ля Чырвонага касцёла.
Скончылася працэсія ля Архікатэдральнага касцёла.
Працэсія на Божае Цела прайшла ў сталіцы дваццаты раз у нядзелю 29 мая. Негледзячы на часовыя непаразуменні з Мінгарвыканкамам (сталічныя ўлады хацелі скіраваць шэсце другаснымі вуліцамі Мінска) святочная працэсія ўрэшце прайшла традыцыйным маршрутам на цэнтральным праспекце Мінска. Напачатку была Святая Імша ў касцёле Найсвяцейшай Тройцы (св. Роха) на Залатой горцы − затым працэсія прыпынілася на Плошчы Перамогі − Кастрычніцкай плошчы і ў Чырвоным касцёле. Завершылася працэсія каля архікатэдры. У працэсіі ўзялі ўдзел ад 2000 да 3000 вернікаў.
Ва ўрачыстасць Божага Цела Касцёл складае падзяку Збаўцу за дар прычасця.
Святкаванне ўрачыстасці Божага Цела было ўведзена ў XII стагоддзі пасля аб’яўленняў блаславёнай Юліяне (1193–1258 гг.),настаяцельніцы кляштара аўгустынак, які знаходзіўся пад Льежам (Бельгія). Ёсць меркаванні, што ўпершыню працэсія была праведзена ў Кёльне (Германія). З цягам часу свята пачало набіраць папулярнасць, і ў 1264 годзе папа Урбан IV устанавіў свята Corpus Christi (Божага Цела) ва ўсім Касцёле. У хуткім часе святкаванне пачало суправаджацца правядзеннем працэсій. Працэсія Божага Цела — гэта эўхарыстычная працэсія, праходзіць яна звычайна навокал касцёла ці па вуліцах горада і затрымліваецца каля чатырох алтароў, дзе чытаюцца ўрыўкі з Евангелля і прамаўляюцца гаміліі.