Цікавосткі кінафармату «4х4»
Навука сна (Science des reves)
Францыя – Італія, каляровы, 105 хв.
Рэжысэр: Мішэль Гандры
Ролі выконваюць: Гаэль Гарсіа Бэрналь, Шарлота Гейнсбур, Ален Шаба.
Жанр: Рамантычная драма
Малады мастак Стэфан, які прыехаў з з Мэксікі да маці ў Парыж. Стэфан жадае выдаць аўтарскі каляндар, але замест гэтага займаецца нуднаю працаю ў выдавецтва. Затое ў Стэфана ёсьць мары й сны – а па суседзтве – дзяўчына Шарлота, у якой таксама ня ўсё проста з уласнымі снамі.
Фільм паставіў Мішэль Гандры, які ўжо экспэрымэнтаваў з рамантычнымі сьненьнямі ў «Вечным зьзьяньні чыстага розуму». Таксама рэжысэр вядомы кліпамі зь Б’ёрк.
❏
Мыла (Soap)
Данія, 2005, каляровы, 102 хв.
Рэжысэр: Перніла Фішэр Крыстэнсэн
Ролі выконваюць: Дэвід Дэнік, Трыне Дзіркхольм, Франк Ціль.
Жанр: Камэдыя
Шарлота, кінутая палюбоўнікам, заводзіць раман з новым суседам. Раман, як раман – толькі сусед Ульрык – транссэксуал, які (якая) зьбіраецца памяняць пол.
Карціна дэманстравалася на Бэрлінскім фэсьце.
❏
Лядзяш (Hard Candy)
ЗША, 2005, каляровы, 103 хв.
Рэжысэр: Дэйвід Слэйд
Ролі выконваюць: Патрык Уілсан, Элен Пэйдж, Адэса Рэй
Жанр: Трымценьнік
14‑гадовая Хэйлі знаёміцца ў сеціве з фатографам Джэфам Колвэрам. Дзяўчына пагаджаецца наведаць яго дома, а потым… наладжвае аматару дзетак допыты з катаваньнем.
Скандальная пэдафільская тэма – са скандальным паваротам.
❏
Нябачныя дзеці (All the Invisible Children)
Францыя – Італія, 2005, каляровы 116 хв.
Рэжысэры: Мехдзі Шарэф, Эмір Кустурыца, Спайк Лі, Каця Лунд, Джордан Скот, Рыдлі Скот, Стэфана Вэнэруза, Джон Ву
Ролі выконваюць: Франсіска Анаваке, Марыя Грацыя Кучынота, Дамарыс Эдвардз
Жанр: Драма
Навэлі розных рэжысэраў пра цяжкое жыцьцё дзяцей у розных кутках сьвету. Дзеці забіваюць, крадуць, на ўласным досьведзе ведаюць пра СНІД, сутыкаюцца з абыякавасьцю.
Фільмы кінафармату дэманструюцца 21‑24 сьнежня ў кінатэатрах «Мір», «Перамога», «Цэнтральны», «Аўрора».
