У Беларусі спажывецкія цэны на тавары і паслугі ў маі 2011 г. у параўнанні з красавіком 2011 г. павялічыліся на 13,1%, са снежнем 2010 г. — на 25,4%, паведамляе Нацыянальны статыстычны камітэт.
У гадавым вылічэнні (да мая мінулага года) інфляцыя склала 32,6%.
Прагноз на 2011 год прадугледжваў абмежаванне росту спажывецкіх цэн у межах 7,5–8,5%.
Цэны на харчовыя тавары ў маі 2011 г. павялічыліся на 13,1%, з пачатку года — на 25,9%, у гадавым вылічэнні — на 36,9%.
Нехарчовыя тавары ў траўні 2011 г. у параўнанні з красавіком 2011 г. падаражэлі на 20,4%, з снежнем 2010 г. — на 31,7%, з траўнем 2010 г. — на 35%.
Цэны і тарыфы на платныя паслугі ў траўні 2011 г. у параўнанні з красавіком 2011 г. выраслі на 3%, са снежнем 2010 г. — на 15,1%, у гадавым вылічэнні — на 18,8%.
Базавая інфляцыя (выключае змены цэн на асобныя тавары і паслугі, якія рэгулююцца дзяржавай, а таксама на тавары сезоннага характару) у маі склала 16,3%, з пачатку года — 27,2%, у тым ліку па харчовых таварах — адпаведна 13, 1% і 25,5%, нехарчовых таварах — 21,7% і 32,3%, платных паслугах — 11,7% і 17,4%.
