Расійскі алігарх Керымаў гатовы заплаціць $1 мільярд авансу за пастаўкі калію.
Беларусь можа атрымаць каля мільярда даляраў ад расійскага алігарха Сулеймана Керымава за кошт будучых паставак калійнай сыравіны.
Пра гэта паведамляе агенцтва ПРАЙМ-ТАСС са спасылкай на ўласную крыніцу інфармацыі. Папярэдняя дамоўленасць нібыта дасягнута 8 чэрвеня: «Перамовы ішлі пра продаж „Уралкалію“ пакета акцый „Беларуськалія“, і нароўні з гэтай дамоўленасцю ёсць папярэдняя дамоўленасць за кошт будучых паставак калію па фіксаваным кошце ўзяць ва „Уралкалія“ $1 мільярд».
Гэтая сума пакрывае прыкладна паўгода здабычы «Беларуськалія».
Нагадаем, учора Уладзімір Макей пахваліўся, што Беларусь прыцягвае крэдыт у $1 мільярд з крыніцы, «не звязанай з ЕўрАзЭС».