У Мінску адбудуцца найбуйнейшыя дрыфт-гонкі ў Еўропе 3

25–26 чэрвеня ў аэрапорце Мінск-1.

У аэрапорт Мінск-1 з’едуцца дрыфтары з Беларусі, Латвіі, Літвы, Малайзіі, Польшчы, Румыніі, Расіі, ЗША, Украіны, Фінляндыі.

Свой удзел пацвердзіў Раян Tэрк — дзейны пілот «Formula Drift USA», які ўзяў у ёй 3-е месца ў сезоне 2010 года. Прыедзе і Тэнгку Джан Лі — чэмпіён Азіі.

За знакамітую каманду «FXOpen/Bridgestone» упершыню выступіць наш зямляк, мінчук Сяргей Сак па мянушцы Метыс.

Акрамя таго, конкурс наведае высокі госць — яго эксцэленцыя Датук Падука Сэры Мір Хан, старшыня Арганізацыі Ісламская канферэнцыя (АІК), якая з’яўляецца другой па колькасці ўдзельнікаў міжурадавай арганізацыяй у свеце пасля ААН.

Прызавы фонд спаборніцтваў складае 10000 даляраў. Арганізатары заяўляюць, што «FXOpen Drift Сhallange 2011» стане найбуйнейшым дрэйф-гонкай у Еўропе ў 2011 годзе.

Шоу будзе доўжыцца два дні — 25–26 чэрвеня, у наступныя выхадныя.

У першы дзень спаборнікі будуць правяраць хуткасць аўтамабіляу, лініі і куты. У Інтэрнэце за гэтым можна будзе сачыць на адрасе drift.by.

А 26 чэрвеня адбудзецца само шоу. Квіткі на яго каштуюць 52 000 рублёў. Ёсць таксама абмежаваная колькасць VIP-білетаў коштам 1 мільён.

Білеты прадаюцца ў сетках «Еўрасетка» і «Сувязны», а таксама ў Мінску ў канцэртных касах. Інтэрнэт-квіткі можна набыць у праз ticketpro.by. Кожны білет будзе ўдзельнічаць у розыгрышы дрыфт-таксі з сябрам каманды FXOpen.

Drifting at JDM Allstars — Trax 2009 Season Finale from JDM Allstars on Vimeo.

Дрыфт — гэта від аўтаспорту. У ім удзельнічаюць аўтамабілі з заднім прывадам. Назва яго пайшла ад назвы тэхнікі праходжання паваротаў з наўмысным зрывам задняй восі і праходу ў кіраваным заносе на максімальна магчымай для ўтрымання на трасе хуткасці. Гэта эфектнае видовішча.

ЯкД

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ