Калегія Мінскага гаспадарчага суда пакінула без змены рашэнне суда адносна высялення сядзібы БНФ. Абскардзіць рашэнне спрабавалі прадстаўнікі Партыі БНФ і грамадскай арганізацыі БНФ "Адраджэньне". Рашэнне пачало дзейнічаць з моманту абвяшчэння.
Апеляцыйную скаргу на рашэнне калегіі можна падаць цягам месяца.
Раней Гаспадарчы суд Мінска не задаволіў пазоў партыі БНФ і грамадскай арганізацыі БНФ "Адраджэньне" да ЖРЭА Савецкага раёна Мінска. Пазоўнікі дамагаліся праз суд прымусіць камунальныя службы заключыць дамову аб арэндзе памяшкання на праспекце Машэрава, 8. У сваю чаргу, ЖРЭА Савецкага раёна звярнулася ў суд, каб вызваліць арандаваную сядзібу.
Дамова арэнды памяшкання, якое партыя займала больш за 20 гадоў, скончылася 31 сакавіка. Актывісты БНФ адмаўляюцца вызваляць памяшканне. Яны арганізавалі кругласуткавае дзяжурства ў сядзібе.
0
0
0
0
0
0
