У Смалявічах маўклівая акцыя прайшла без затрыманняў. На плошчы знаходзілася каля 10 «хлопальнікаў». Яны прыйшлі разам з дзецьмі.
У час правядзення на плошчы не прысутнічалі міліцыянты ў форме, аднак за ўдзельнікамі ўвесь час назіралі невядомыя асобы ў цывільным. Калі «хлопальнікі» сабраліся разыходзіцца, асобы ў цывільным падыйшлі да дзяўчыны з фотаапаратам і сталі патрабаваць знішчыць фотаздымкі.
Як паведаміла Вольга, невядомыя асобы не захацелі прадставіцца.
«Яны сказалі, што ведаюць, чаго мы тут стаім і ўсё разумеюць. І што я не маю права фатаграфаваць. Сталі патрабаваць сцерці здымкі».
Калі астатнія ўдзельнікі акцыі сталі пляскаць у ладкі ім у спіну, «невядомыя» паспешна перайшлі на іншы бок плошчы.
У час акцыі рух на плошчы быў перакрыты, праводзілася рэпетыцыя танцавальнага калектыва гораду.
0
0
0
0
0
0
