Адміністратары мяркуюць, што за банам стаяць беларускія спецслужбы.
Калі зайсці на старонку групы, то ўбачыце толькі аб’яву: «Група часова заблакаваная і правяраецца адміністратарамі, бо некаторыя карыстальнікі мяркуюць, што яна не адпавядае правілам сайта».
Блакаванне адбылося паміж 10.00 і 11.00 у суботу 2 ліпеня.
На старонцы групы гучалі заклікі да пратэстаў у дзень параду 3 Ліпеня. У прыватнасці, удзельнікі групы планавалі апладзіраваць у знак пратэсту ў часе выступу Аляксандра Лукашэнкі. Запланаваны таксама масавы пратэст у часе вечаровага салюту. Сілавыя структуры лукашэнкаўцаў заявілі, што будуць разглядаць такія апладысменты як парушэнне правапарадку.
Адміністратары групы «Рэвалюцыя праз сацыяльныя сеткі» прызнаюць, што яны былі не гатовыя да такога развіцця падзей. «Мы разлічвалі, што нашу групу не будуць блакаваць, бо мы не рабілі нічога супрацьзаконнага», сказаў Антон Скарынаў інтэрв’ю «Беларускаму партызану».
Праз форумы на
Адміністратары мяркуюць, што за банам стаяць беларускія спецслужбы. Яны сцвярджаюць, што задуманыя пратэсты носяць мірны, легітымны характар і адпавядаюць канстытуцыйнаму праву на свабоду сходу і меркавання. Вячаслаў Дзіянаў, адзін з завадатараў пратэсту, на сваіх старонках Вконтакте заклікае ўсіх актывістаў устрымацца ад выкарыстання сімволікі і пазбягаць канфліктаў.
Тым часам блакаваныя і некаторыя іншыя, не такія шматлікія групы Вконтакте, якія мелі антылукашэнкаўскую накіраванасць.
Вконтакте — гэта сетка, створаная ў Расеі. У адрозненне ад Фэйсбука — сеткі, што належыць амерыканцу.
Група «Рэвалюцыя праз сацыяльныя сеткі» на момант блакавання налічвала каля 20 тысяч сяброў. Менавіта ў ёй нарадзілася ідэя «Вечароў Апладысментаў» — маўклівых пратэстаў у серады, якія распаўсюдзіліся на 50 гарадоў Беларусі.Рух Будучыні ўжо запусціў новыя старонкі Вконтакте на замену блакаваным.
У прыватнасці, дзейнічае новая «сцяна» і старонка «абмеркаванняў». Працуе і старонка з альбомамі. Суполкі працягваюць дзейнічаць без перашкодаў на Фэйсбуку і ў Твітары.
Каментары