Рух Будучыні ўжо запусціў новыя старонкі Вконтакте на замену блакаваным. Нагадаем, што 2 ліпеня ўласнікі Вконтакте заблакавалі суполку «Рэвалюцыя праз сацыяльныя сеткі». У прыватнасці, дзейнічае новая «сцяна» і старонка «абмеркаванняў». Працуе і старонка з альбомамі.
Калі зайсці на ранейшую старонку групы «Рэвалюцыя праз…», то ўбачыце толькі аб’яву: «Група часова заблакаваная і правяраецца адміністратарамі, бо некаторыя карыстальнікі мяркуюць, што яна не адпавядае правілам сайта».
Блакаванне адбылося паміж 10.00 і 11.00 у суботу 2 ліпеня.
На старонцы групы гучалі заклікі да пратэстаў у дзень параду 3 Ліпеня. У прыватнасці, удзельнікі групы планавалі апладзіраваць у знак пратэсту ў часе выступу Аляксандра Лукашэнкі. Запланаваны таксама масавы пратэст у часе вечаровага салюту. Сілавыя структуры лукашэнкаўцаў заявілі, што будуць разглядаць такія апладысменты як парушэнне правапарадку.
Праз форумы на
Адміністратары мяркуюць, што за банам стаяць беларускія спецслужбы. Яны сцвярджаюць, што задуманыя пратэсты носяць мірны, легітымны характар і адпавядаюць канстытуцыйнаму праву на свабоду сходу і меркавання. Вячаслаў Дзіянаў, адзін з завадатараў пратэсту, на сваіх старонках Вконтакте заклікае ўсіх актывістаў устрымацца ад выкарыстання сімволікі і пазбягаць канфліктаў.
Тым часам блакаваныя і некаторыя іншыя, не такія шматлікія групы Вконтакте, якія мелі антылукашэнкаўскую накіраванасць.
Вконтакте — гэта сетка, створаная ў Расеі. У адрозненне ад Фэйсбука — сеткі, што належыць амерыканцу.
Група «Рэвалюцыя праз сацыяльныя сеткі» на момант блакавання мела каля 20 тысяч сяброў. Менавіта ў ёй нарадзілася ідэя «Вечароў Апладысментаў» — маўклівых пратэстаў у серады, якія распаўсюдзіліся на 50 гарадоў Беларусі.
Суполкі на Фэйсбуку і ў Твітары працягваюць дзейнічаць без перашкодаў.