«Перемен требуют наши сердца! Перемен требуют наши глаза!» — больш за дзесяць хвілін гэтая песня Віктара Цоя гучала на ўсю моц з чорнага «Мэрсэдэса», які прыпаркаваўся ля вакзала. Да кіроўцы падышоў супрацоўнік ДАІ, затым да аўто прадстаўніцкага класа пад’ехала патрульная машына даішнікаў і эвакуатар.
Фота 365dnej-w-godu.livejournal.com
— У мяне забралі правы, сказалі, што аштрафуюць за няправільную паркоўку, — распавяла «Камсамолцы»
Да чорнага «Мэрсэдэса» сталі падыходзіць ўдзельнікі маўклівай акцыі, пляскаць. Пасля патрабавання супрацоўнікаў ДАІ выйсці з аўто маладыя людзі заблакаваліся і працягвалі слухаць песню «Перамен!». На падмацаванне прыйшлі каля 50 чалавек у цывільным, атачылі машыну, пасля чаго дасталі хлопца з «Мэрсэдэса» і перасадзілі ў аўтазак. За руль аўто сеў супрацоўнік ДАІ і з’ехаў у невядомым кірунку разам з дзяўчынай.
— Такія нумары крутыя! Цікава, хто гэтыя людзі? — думалі мінакі.
Даведацца, чым скончылася гэтая гісторыя, аказалася немагчыма. Ні ў гарадской ДАІ, ні ў ДАІ Кастрычніцкага раёна няма інфармацыі па гэтай машыне і інцыдэнту, які адбыўся ўвечары 3 ліпеня, піша КП у Беларусі.
Калі ў вас ёсць нейкая інфармацыя наконт здарэння на Прывакзальнай — паведамляйце ў каментарах да гэтага артыкула.
