Акцызныя маркі на алкаголь і цыгарэты падаражалі на 30-70 рублёў

У Беларусі павялічаны кошт акцызных марак на алкагольную і тытунёвую прадукцыю. Дадзенае рашэнне ўтрымліваецца ў пастанове Мінэканомікі N98.

Паводле пастановы,

кошт акцызнай маркі для маркіроўкі алкагольных напояў павялічаны на 70 рублёў (на 70%) і цяпер складае 170 рублёў, а маркіроўка тыітунёвых вырабаў цяпер каштуе 70 рублёў замест 40 рублёў (рост — 75%).

Як растлумачылі ў Мінэканомікі, «неабходнасць перагляду цаны абумоўлена істотнай зменай выдаткаў на яе вытворчасць».

Пастанова набыла моц 3 ліпеня.

паводле interfax.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ